فوتو: freepik.com
مەملەكەت باسشىسى ءوز سوزىندە بىرقاتار ەلدە قازىردىڭ وزىندە «ەلەكتروندىق» نەمەسە تسيفرلىق پارلامەنت» ەلەمەنتتەرى سىناقتان وتكىزىلە باستاعانىن ايتتى.
«ۇشىنشىدەن, الداعى رەفورما ەكونوميكا, الەۋمەتتىك جانە تەحنولوگيالىق دامۋ سەكىلدى باسقا دا سالالارداعى جان-جاقتى جاڭعىرۋلارمەن ۇيلەسىم تابادى. مىسالى, تسيفرلاندىرۋ مەن جاساندى ينتەللەكتىنى ەنگىزۋ كۇللى الەمدەگى مەملەكەتتىك باسقارۋ جۇيەسىن وزگەرتەتىنى ءسوزسىز. بىرقاتار ەلدە قازىردىڭ وزىندە «ەلەكتروندىق» نەمەسە تسيفرلىق پارلامەنت» ەلەمەنتتەرى سىناقتان وتكىزىلە باستادى. بۇل ازاماتتاردى ساياسي ومىرگە ارالاستىرۋدىڭ جاڭا فورمالارىن قامتاماسىز ەتىپ, زاڭ شىعارۋ ۇدەرىسىنىڭ تيىمدىلىگىن ارتتىرۋ ماقساتىندا جاسالادى. كەلەشەكتە بۇل ءۇردىس كۇشەيە تۇسپەك.
سوندىقتان ءبىز دە وسى باعىتقا سانالى تۇردە كۇش سالامىز. الداعى ۋاقىتتا e-Parlament قازىرگى ەلەكتروندىق ۇكىمەت – e-Gov سياقتى سۇرانىسقا يە قۇرالعا اينالۋى مۇمكىن. سول سەبەپتى ءبىر پالاتالى پارلامەنتكە ءوتۋ ءبىر ەسەپتەن جۇمىستىڭ جاڭا قالىبى مەن قارقىنىنا, تەز شەشىم قابىلداۋعا بەيىمدەلۋدى كوزدەيدى. ياعني زامان وزگەرىپ جاتىر, ول ءوز تالابىن ورىنداتادى, e-Parlament جۇيەسى قىر استىندا تۇر. جاقىندا ومىرىمىزگە دەندەپ ەنۋى مۇمكىن. سوندىقتان زاڭ قابىلداۋدا مۇلدە قاتە جىبەرۋگە بولمايدى», دەدى قاسىم-جومارت توقاەۆ.
