فوتو: primeminister.kz
قازاقستان حالىقارالىق ارالدى قۇتقارۋ قورىنىڭ قىزمەتىنە باسا ءمان بەرەدى جانە اتالعان ۇيىمدى وڭىردەگى ەكولوگيالىق سيپاتتاعى ماسەلەلەردى شەشۋدىڭ, ۇتىمدى ءارى وزارا ءتيىمدى ترانسشەكارالىق سۋ پايدالانۋدىڭ قۇرالدارىنىڭ ءبىرى رەتىندە قاراستىرادى.
كەزدەسۋدە ارال تەڭىزىندەگى سۋ دەڭگەيىن ارتتىرۋ جونىندەگى بىرلەسكەن شارالار قاسىم-جومارت توقاەۆتىڭ بيىلعى حالىققا جولداۋىندا ايتقان باستامالارى شەڭبەرىندە تالقىلاندى.
ۇكىمەتتىڭ ءباسپاسوز قىزمەتىنىڭ مالىمدەۋىنشە ولجاس بەكتەنوۆ ءوز سوزىندە حاقق-عا قاتىسۋشى مەملەكەتتەردىڭ باسشىلارى ەنەرگەتيكالىق جانە ازىق-ت ۇلىك قاۋىپسىزدىگىن قامتاماسىز ەتۋدە ستراتەگيالىق ماڭىزى بار سۋ-ەنەرگەتيكالىق رەسۋرستارىن پايدالانۋدىڭ ۇتىمدى تاسىلىنە باسىمدىق بەرەتىنىن اتاپ ءوتتى.
وسى جىلدىڭ ۆەگەتاتسيالىق كەزەڭى وتە قيىن ءوتتى. كۇردەلى جاعدايلارعا قاراماستان, ۇكىمەتتەردىڭ سىندارلى ءوزارا ءىس-قيمىلى ارال تەڭىزى باسسەينىندە تۇراقتى سۋ رەجيمىن قامتاماسىز ەتۋگە مۇمكىندىك بەردى. پرەمەر-مينيستر قىرعىزستان, تاجىكستان, وزبەكستان ۇكىمەتتەرىنىڭ باسشىلارىنا العىسىن ءبىلدىرىپ, ۇيلەستىرىلگەن جەدەل ءىس-قيمىلدار ارقىلى عانا ەلەۋلى شىعىنداردىڭ الدىن الۋعا بولاتىنىن اتاپ ءوتتى.
ء«ار ەلدىڭ ءوز ۇلتتىق مۇددەسى بار, ءبىز ونى قاشان دا قورعاۋعا مىندەتتىمىز. بىراق ءبىزدىڭ ورتاق ستراتەگيالىق, ۇزاقمەرزىمدى باسىم ماقساتىمىز تاتۋ كورشىلىك قارىم-قاتىناس ەكەنىنە سەنىمدىمىن. كۇندەلىكتى, قىسقامەرزىمدى مىندەتتەردى شەشۋدە ءبىز ۇزاقمەرزىمدى باسىمدىقتارعا نۇقسان كەلتىرمەۋىمىز كەرەك. ماسەلەلەردى ارقاشان ءوزارا ءتيىمدى ءارى قولايلى نەگىزدە شەشۋ ءۇشىن بىرلەسكەن شارالار قابىلدايتىنىمىزعا سەنىمدىمىن», دەپ اتاپ ءوتتى ولجاس بەكتەنوۆ.
قازاقستاننىڭ توراعالىعى اياسىندا جۇرگىزىلەتىن جۇمىستىڭ باسىم باعىتتارىنىڭ ءبىرى – تسيفرلىق ترانسفورماتسيا جانە سۋ سالاسىندا جاساندى ينتەللەكتىنى قولدانۋ. جي ەنگىزۋ سۋدى پايدالانۋدىڭ اشىقتىعىن قامتاماسىز ەتەدى جانە سۋ شىعىنىن ازايتۋعا مۇمكىندىك بەرەدى. ارال تەڭىزى باسسەينىندە سۋ رەسۋرستارىن ەسەپكە الۋدىڭ, مونيتورينگ جۇرگىزۋدىڭ, باسقارۋدىڭ جانە ءبولۋدىڭ بىرىڭعاي اۆتوماتتاندىرىلعان جۇيەسىن ەنگىزۋ بويىنشا بىرلەسكەن جۇمىستىڭ ماڭىزدىلىعى دا اتاپ ءوتىلدى.
كەزدەسۋ بارىسىندا تاجىكستان پرەمەر-ءمينيسترىنىڭ ورىنباسارى زيوزودا سۋلايمون, وزبەكستان پرەزيدەنتىنىڭ كەڭەسشىسى شۋحرات گانيەۆ, تۇرىكمەنستان اۋىل شارۋاشىلىعى ءمينيسترى چارىيار چەتيەۆ ءسوز سويلەدى.
تالقىلاۋدى قورىتىندىلاي كەلە, پرەمەر-مينيستر ولجاس بەكتەنوۆ قازاقستاننىڭ اشىقتىق, ىنتىماقتاستىق جانە سىندارلى ديالوگ قاعيداتتارىنا بەيىل ەكەنىن ناقتىلادى.
