فوتو: وقۋ-اعارتۋ مينيسترلىگىنىڭ ءباسپاسوز قىزمەتى
بۇل جەڭىس پرەزيدەنت تاپسىرماسىنا سايكەس «جۇمىسشى ماماندىقتار جىلى» اياسىنداعى رەفورمالاردىڭ ناتيجەلى جۇزەگە اسىپ جاتقانىن ايعاقتايدى.
تۇركيا, ازەربايجان, ماجارستان, وزبەكستان, قىرعىزستان جانە قازاقستاننان 70-كە جۋىق كوللەدج ستۋدەنتتەرى مەن جاس ماماندارى ينجەنەريا, اقپاراتتىق تەحنولوگيالار, ءوندىرىس, روبوتوتەحنيكا جانە قىزمەت كورسەتۋ سالالارىن قامتيتىن 10 قۇزىرەتتىلىك بويىنشا سايىستى.
سالا مينيسترلىگىنىڭ مالىمەتىنشە جارىستىڭ جابىلۋ راسىمىندە ءسوز سويلەگەن وقۋ-اعارتۋ ۆيتسە-ءمينيسترى اسىلبەك احمەتجانوۆ بۇل چەمپيوناتتىڭ تۇركىتىلدەس مەملەكەتتەردىڭ تەحنيكالىق جانە كاسىپتىك ءبىلىم بەرۋ ۇيىمدارى اراسىندا قازاقستاننىڭ باستاماسىمەن العاش رەت اۋقىمدى تۇردە ۇيىمداستىرىلعانىن تىلگە تيەك ەتىپ, WorldSkills International كەڭەسىنىڭ مۇشەسى رەي ينگليش قازاقستاننىڭ حالىقارالىق دەڭگەيدەگى الەۋەتىن ەرەكشە اتاپ ءوتتى.
ايتا كەتەلىك, چەمپيوناتتى تاماشالاۋعا 5 مىڭنان استام ادام كەلدى, كوللەدجدەر مەن كاسىپورىندار اراسىندا 100-گە جۋىق ىنتىماقتاستىق مەموراندۋمى جاسالدى.
