ماشينا جاساۋشىلار باس قوستى

كەشە ەلوردادا «قمجو» باسقارما توراعاسى مەيرام پىشەمباەۆتىڭ توراعالىعىمەن «قازاقستاننىڭ ماشينا جاساۋشىلار وداعى» زاڭدى تۇلعالار بىرلەستىگىنە قاتىسۋشىلار مەن پارلامەنت ءماجىلىسىنىڭ دەپۋتاتى باس قوسقان وتىرىس ءوتتى. وندا كۇن تارتىبىندەگى بىرقاتار ماسەلەلەر كەڭىنەن تالقىلانىپ, ۇيىمنىڭ ىشكى جاعدايلارىنا تۇزەتۋلەر ەنگىزىلدى. وداق قىزمەتىنە تۇزەتۋلەر ەنگىزۋ قاجەتتىگى ەل زاڭنا­ما­سىنداعى وزگەرىستەر مەن قازاق­ستاننىڭ دۇنيەجۇزىلىك ساۋدا ۇيىمىنا كىرۋى بارىسىندا تۋىن­داپ, بۇل رەتتە ماشينا جاساۋ كاسىپورىندارى ءۇشىن جاڭا ءمۇم­كىندىكتەرگە جول اشىلدى. «بۇگىنگى باسقوسۋدىڭ ماقساتى – ماشينا جاساۋ سالاسىنىڭ فۋنكتسيالارى  «ۇلتتىق كاسىپكەرلەر پا­لاتاسى تۋرالى» زاڭىنا سايكەس ولار­دان قازاقستاننىڭ ماشينا جاساۋشىلار وداعىنا وتۋىنە ايلانىستى بولىپ وتىر, دەگەن م.پىشەمباەۆ بۇگىندە  ىرى-شا­عىن كاسىپورىندار قامتىلعان بۇكىل ماشينا جاساۋ سالاسىن, قازاق­ستاننىڭ بارلىق بيزنەس قاۋىم­داستىعىن نىعايتۋ ءۇشىن ەرەجەلەرگە بىرقاتار وزگەرىستەر ەنگىزۋ قا­جەت­تىگىن اتاپ ءوتتى.  ونىڭ ايتۋى بويىنشا, 1500-دەن استام كاسىپ­ورىننىڭ ىشىندە 30 پايىزى – شاعىن جانە ورتا بيزنەس سالاسى بولعاندىقتان, ءىرى ماشينا جاساۋ كاسىپورىندارىنىڭ اينالاسىندا شاعىن جانە ورتا بيزنەستى دامىتۋ مەن وعان قولداۋ كورسەتۋ مۇمكىندىگىن تۋدىرۋعا باسىمدىق بەرىلۋ قاجەت. قازىرگى تاڭدا الدا ۇدەمەلى ين­دۋستريالىق-يننوۆاتسيالىق دا­مۋ باعدارلاماسىنىڭ ەكىنشى بەس­جىلدىعى اياسىندا ماشينا جاساۋ سالاسىن ودان ءارى دامىتۋ, ونى جاقسى دەڭگەيدە جەتىل­دىرە ءتۇسۋ ماسەلەسى تۇر, دەدى م.پىشەمباەۆ. بۇل رەتتە دسۇ-عا كىرۋدىڭ  قازاقستاننىڭ ەكونومي­كالىق ورلەۋى, جاڭعىرۋى مەن ءبا­سەكەگە قابىلەتتىلىگى ءۇشىن ماڭىزدى قادامداردىڭ ءبىرى بولىپ تابىلاتىندىعى جانە  ەلىمىزدىڭ  حالىقارالىق ستاندارتتارعا ساي  بولۋى قاجەتتىگى ايتىلدى. «ال ماشينا جاساۋ سالاسىنىڭ قارقىندى دامۋى مەملەكەت ءۇشىن تيىمدىلىگىن كورسەتىپ كەلەدى. سول سەبەپتى, اتالعان سالانى دۇرىس جانە جوعارى دارەجەدە دامىتا تۇسۋگە باسىمدىق بەرۋىمىز ءتيىس», دەي وتىرىپ, م.پىشەمباەۆ تاۋ-كەن, ترانسپورت سالاسىنان بولەك تاعى دا مۇناي-گاز بەن يننوۆاتسيا ماسەلەلەرىنە, سونداي-اق, اۋىلشارۋاشىلىق ماشينا جاساۋ ىسىنە دە نازار اۋدار قاجەتتىگىنە توق­تالدى. بۇل ورايدا وسىعان قا­تىس­تى قۇرال-سايماندار شىعا­را­تىن, ەت وڭدەيتىن زاۋىتتار سالىنۋى كەرەك ەكەندىگىن جەتكىزدى. ونىڭ ايتۋى بويىنشا, مال ازىعىن دايىندايتىن كىشى زاۋىتتار وزىمىزدە دە سالىنىپ, يمپورتتى ازايتۋعا كوڭىل ءبولىنۋى قاجەت. يندۋستريالاندىرۋ باعدار­لا­ماسىنىڭ ەكىنشى تولقىنىندا ەسكەرەتىن جايت تا وسى ەكەندىگىنە نازار اۋدارا وتىرىپ, شاعىن جانە ورتا بيزنەستى جولعا قويۋ كەرەكتىگى ايتىلدى. قازاقستاننىڭ ماشينا جاساۋشىلار وداعى قاتىسۋشىلارىنىڭ جالپى جينالىسىنىڭ بارىسىندا ۇيىم جارعىسىنداعى قوسىمشالار مەن وزگەرىستەر قاراستىرىلىپ, ۇيلەستىرۋ جانە باقىلاۋ كەڭەستەرىنىڭ, باسقارما جانە رەۆيزيالىق كوميسسيانىڭ قۇرامى انىقتالدى. ەلميرا ماتىباەۆا, «ەگەمەن قازاقستان».