«اناعا قۇرمەت» مۋزەيىنىڭ مەڭگەرۋشىسى گۇلنار ءابىش: «ەل ىشىندە «انا – ءومىردىڭ باستاۋى, اناعا قۇرمەت – ەلگە قۇرمەت», دەگەن تۇسىنىك بار. بۇل ءسوزدىڭ ءمانى تەرەڭ. استانالىق اعايىندارعا ۇسىنىلعان «انالار اماناتى» كورمەسى دە وسىنى كوزدەيدى. ءبىز بۇل مادەني شارا ارقىلى جاس ۇرپاققا ۇلتتىق تاربيەنى ءسىڭىرىپ, انانىڭ ۇلى ميسسياسىن دارىپتەۋدى ماقسات ەتىپ وتىرمىز» دەدى.
كىندىك قالا كورەرمەندەرى كورمە ەكسپوزيتسياسىندا قويىلعان قازاق انالارىنا قاتىستى ۇلتتىق بوياۋى قانىق كيىمدەر, قولونەر بۇيىمدارى, ءاز اجەلەر قولدانعان تۇرمىستىق زاتتار, فوتوسۋرەتتەر مەن قۇندى قۇجاتتار, سونداي-اق اتاقتى ەل انالارىنا ارنالعان جادىگەرلەردى تاماشالادى.
