سۋرەت: ertenmedia.kz
ويتكەنى بيىلعا جوسپارلانعان كوممۋنالدىق قىزمەت تاريفتەرىن تۇزەتۋ شارالارى اياقتالدى. بۇعان دەيىن ايتىلعانداي, قازان ايىنان باستاپ كوممۋنالدىق قىزمەت تاريفتەرىن كوتەرۋ جوسپاردا جوق.
الەۋمەتتىك ماڭىزى بار ازىق-ت ۇلىك تاۋارلارىنىڭ باعاسى دا تۇراقتالىپ كەلەدى. قىركۇيەكتىڭ سوڭعى اپتاسىندا الەۋمەتتىك ماڭىزى بار ازىق-ت ۇلىك يندەكسى وسپەدى. قانت, تۇز, ماكارون, كۇرىش, ءسۇت جانە الەۋمەتتىك ماڭىزى بار كوكونىستەردىڭ باعاسى ارزاندادى. جالپى, قىركۇيەك ايىندا نان-توقاش ونىمدەرى مەن جارما باعاسى – 0,1%-عا, ەت جانە ەت ونىمدەرى – 0,2%-عا, ماي مەن توڭ ماي – 0,2%-عا, جۇمىرتقا – 3,1%-عا, جەمىستەر مەن كوكونىستەر 1,9%-عا تومەندەدى. قىرىققابات باعاسىنىڭ ايتارلىقتاي تومەندەۋىن ەرەكشە اتاپ وتۋگە بولادى. ونىڭ باعاسى جىلدىڭ ءبىرىنشى جارتىسىندا جوعارى قارقىنمەن وسكەن ەدى, ال مامىر ايىمەن سالىستىرعاندا 52%-عا ارزاندادى. سونداي-اق باسقا ماۋسىمدىق كوكونىستەر مەن جەمىستەردىڭ باعاسى دا ايتارلىقتاي ءتۇستى.
ساۋدا جانە ينتەگراتسيا ءبىرىنشى ۆيتسە-ءمينيسترى ايجان بيجانوۆانىڭ ايتۋىنشا, بارلىق وڭىردە وتاندىق وندىرۋشىلەرمەن الەۋمەتتىك ماڭىزى بار ازىق-ت ۇلىك ونىمدەرىنىڭ باعاسىن جىل سوڭىنا دەيىن تۇراقتاندىرۋ تۋرالى كەلىسسوز جۇرگىزىلدى. قازان مەن جەلتوقسان ارالىعىندا دەمالىس جانە مەرەكە كۇندەرىن قوسا العاندا, ەل بويىنشا اپتاسىنا ءبىر رەت جالپى سانى 1 619 اۋىل شارۋاشىلىعى جارمەڭكەسى وتەدى دەپ جوسپارلانىپ وتىر.
استاناداعى ءىرى ساۋدا جەلىلەرى اۋىل شارۋاشىلىعى مينيسترلىگىمەن بىرلەسىپ, سيىر ەتىن وندىرۋشىلەردەن تىكەلەي ساتىپ الۋعا ارنالعان اكتسيانى ءساتتى وتكىزىپ جاتىر. بۇل تاجىريبە تيىمدىلىگىن دالەلدەپ, ەندى وڭىرلەرگە كەڭىنەن تاراتىلماق.
«بەرەكە Fest» اكتسياسى اياسىندا ەلىمىزدىڭ 80 ساۋدا جەلىسى اگروفيرمالارعا ەت پەن باسقا دا الەۋمەتتىك ماڭىزدى ونىمدەردى تىكەلەي سۋپەرماركەت سورەلەرىنە جەتكىزۋگە مۇمكىندىك بەردى. ساۋدا جەلىلەرى الەۋمەتتىك جاۋاپكەرشىلىك تانىتىپ, وسىنداي ونىمدەر ءۇشىن ارنايى بۇرىشتار ۇيىمداستىردى. قازىر اكىمدىكتەر جانە بيزنەس وكىلدەرىمەن بىرلەسىپ, رەسپۋبليكا كۇنىنە ارنالعان مەرەكەلىك جارمەڭكەلەر مەن اكتسيالاردى ۇيىمداستىرىپ جاتىرمىز», دەدى ا.بيجانوۆا.
اۋىل شارۋاشىلىعى مينيسترلىگىنىڭ مالىمەتىنشە, وڭىرلەردىڭ باسىم بولىگى تۇراقتاندىرۋ قورلارىنا جاڭا ونىمدەردى قابىلداۋ كەلىسىمدەرىن اياقتاعان. جالپى ءونىم كولەمى – 245 مىڭ توننا, ونىڭ ىشىندە 146,7 مىڭ توننا كارتوپ, 35,3 مىڭ توننا ءسابىز, 27,4 مىڭ توننا پياز جانە 36 مىڭ توننا قىرىققابات بار. اقتوبە جانە ۇلىتاۋ وبلىستارىندا قىرىققابات ساتىپ الۋ 50%-دان ءسال عانا اسقان, بۇل جەردە كەشەۋىلدەۋ بايقالادى. ۆيتسە-پرەمەر مينيسترلىكتەن وسى وڭىرلەرگە جەتكىزۋشىلەردى ىزدەۋگە قولداۋ كورسەتۋدى تاپسىردى.
