اشم ورمان شارۋاشىلىعى عىلىمي-يننوۆاتسيالىق ينستيتۋتى دەرەگى بويىنشا اپاتتى جاعدايدا تۇرعان اعاشتاردىڭ ۇلەسى جالپى كورسەتكىشتىڭ 9 پايىزىنان ءسال عانا اسادى. كەلەر جىلى اۋماقتى اباتتاندىرۋ اياسىندا توعايدىڭ جاسىل قورىن تولىقتىرۋ جانە تابيعي شىعىندى وتەۋ ماقساتىندا مىڭنان استام جاڭا اعاش ەگۋ باعدارلاماسى جۇزەگە اسادى.
اعاشتاردى سانيتارلىق ساۋىقتىرۋ بارىسىندا قۋراپ قالعان جانە زاقىمدانعان بۇتاقتاردى كەسۋ, زيانكەستەر مەن اۋرۋلارعا قارسى كۇرەس جۇرگىزە وتىرىپ, سانيتارلىق ماقساتتا كەسۋ, ەكپەلەردى وڭدەۋ جانە اعاش ءدىڭىنىڭ اينالاسىن الدىن الۋ تازالاۋ جۇمىستارى جۇرگىزىلەدى. بۇل شارالار اعاشتاردىڭ ساۋلىعىن, ءپىشىنىن جانە ۇزاق تىرشىلىك ەتۋدى ساقتاۋعا باعىتتالعان. توعايداعى جۇمىستار تابيعي ورتاعا مەيلىنشە زيان تيگىزبەۋگە باعىتتالىپ وتىر.
اباتتاندىرۋ جۇمىستارىندا تسەمەنت-بەتون بۇيىمدارىن قولدانباي, ەكولوگيالىق ماتەريالدار پايدالانىلادى. ەكولوگيالىق جۇرگىنشى جولاقتارى مەن ەنەرگوۇنەمدەگىش جارىقتاندىرۋ ورناتىلىپ, كەلۋشىلەردىڭ قاۋىپسىزدىگىن قامتاماسىز ەتۋ ءۇشىن پوليتسيا بەكەتتەرى مەن بەينەباقىلاۋ جۇيەلەرى قاراستىرىلادى. توعايدى قالپىنا كەلتىرۋ جۇمىستارى قاتار ءجۇرپ جاتىر. 2023 جىلى ەرىكتىلەر سيۆەرس الماسى مەن جاپىراقتى تۇقىمداردىڭ 1430 كوشەتىن, بىلتىر ەمەن, شىرشا جانە ورىك اعاشتارىنىڭ 720 كوشەتىن وتىرعىزدى. جۇمىس ەرىكتىلەر مەن دەمەۋشىلەر ەسەبىنەن جۇزەگە اسىپ جاتىر. وسىلايشا, باۋم توعايىنداعى بارلىق ءىس-شارا تەك بىرەگەي تابيعي اۋماقتى ساقتاۋ, ساۋىقتىرۋ جانە قالپىنا كەلتىرۋگە باعىتتالىپ, تۇرعىنداردىڭ دەمالىس ورنىن قالانىڭ جاسىل نىشانى رەتىندەگى ءرولىن ارتتىرۋ جۇمىستارى جالعاسىن تابا بەرەدى.
الماتى
