ول اۋدان اۋماعىندا وسى جىلى جاسالعان الاياقتىق, ۇرلىق, ەسىرتكى تاراتۋ, براكونەرلىك بويىنشا 11 قىلمىستىڭ ءىزىن سۋىتپاي اشىپ, بۇرىنعى جىلدارى جاسالىپ, دەر كەزىندە اشىلماعان 5 قىلمىستى اشكەرەلەدى.
وسىلايشا ىرزالى مىرزاعالي ۇلى قىراعى, كاسىبي, دايىندىعى جوعارى, زاڭدى جەتىك مەڭگەرگەن, قىلمىسپەن كۇرەستە ادىلەتتىلىكتەن اينىمايتىن ناعىز پوليتسەي ەكەندىگىن دالەلدەدى. كاسىبي مامان قىلمىستىڭ سالدارىمەن كۇرەسكەننەن گورى, قۇقىقبۇزۋشىلىقتىڭ الدىن الۋ شارالارىن جاقسى ۇيىمداستىرۋ قاجەت دەگەن پىكىردە.
«سول ءۇشىن دە جاسوسپىرىمدەر تاربيەسىندە اتا-انانىڭ جاۋاپكەرشىلىگىن كۇشەيتۋ, ءبىلىم بەرۋ ۇيىمدارىندا زاڭ مەن ءتارتىپ قاعيداتتارىن ساقتاۋدى وقۋشىلارعا ۇيرەتۋ ماڭىزدى. ادام جەكە باسىنىڭ جاۋاپكەرشىلىگىن ءبىرىنشى ورىنعا قويىپ, جامان ادەتتەردەن اۋلاق بولسا, قاراپايىم ەرەجەلەردى ساقتاسا, ەڭبەكپەن اينالىسسا, وڭاي جولمەن اقشا تابۋدان باس تارتسا سانالى دا, ء تارتىپتى ازاماتتار قاتارى كوبەيەدى», دەيدى ول.
اعا جەدەل ۋاكىلدى اۋدان تۇرعىندارى تەگىس تانيدى. مىنەزى قاراپايىم, جۇرتپەن اشىق-جارقىن قارىم-قاتىناس جاسايتىن ازاماتتى ارىپتەستەرى دە قۇرمەتتەيدى. ول جۇمىس اراسىندا بوس ۋاقىت تاۋىپ, مەكتەپتەردە ۇيىمداستىرىلاتىن كەزدەسۋلەردەن قالماۋعا تىرىسادى. كەزدەسۋلەردە زاڭدى بۇزۋدىڭ اۋىر زارداپتارى تۋرالى ومىردەن الىنعان ناقتى مىسالداردى كەلتىرىپ, جاستاردى تولعاندىرعان سۇراقتارعا جاۋاپ بەرەدى.
«ىرزالى مىرزاعالي ۇلى – زاڭ مەن ءتارتىپ قاعيداتتارىنىڭ ساقتالۋىن قامتاماسىز ەتىپ قانا قويماي, قىلمىستىڭ الدىن الۋ شارالارىن دا ۇزدىكسىز جۇرگىزىپ كەلە جاتقان ازامات. الىس اۋدانداردا وسىنداي جىگىتتەردىڭ جۇمىس ىستەگەنى قوعامنىڭ ساۋلىعى ءۇشىن وتە ماڭىزدى», دەيدى وبلىستىق پوليتسيا دەپارتامەنتى باستىعىنىڭ ورىنباسارى رۇستەم اپساتتەروۆ.
اقتوبە وبلىسى
