قوناەۆ قالاسىنىڭ اكىمى شاھاردى كەزەكتى رەت ارالاۋ بارىسىندا بىرقاتارىنا كىرىپ شىقتى. الدىمەن ول «سامۇرىق» تۇك-كە باردى. بۇل كەشەن 11,6 گەكتار جەردە تۇرعىزىلادى دەپ جوسپارلانۋدا. جوبا 2029 جىلعا دەيىن جۇزەگە اسپاق. تارتىلاتىن ينۆەستيتسيا سوماسى – 65 ملرد تەڭگەنى قۇرايدى. قازىر قۇرىلىستىڭ 1-كەزەڭى ءجۇرىپ جاتىر. مۇندا جالپى اۋدان 160 مىڭ شارشى مەتردەن استام تۇرعىن ءۇي بوي كوتەرەدى.
كەلەسى نىسان 10 شاعىناۋداندا ورنالاسقان «NNS City» تۇرعىن ءۇي كەشەنى بولدى. تاپسىرىس بەرۋشى – «الي-نۇر ترانس» جشس. مۇندا 21 كوپقاباتتى تۇرعىن ءۇي سالىنادى. قازىر تورتەۋىنىڭ قۇرىلىسى اياقتالعان, جاقىن ارادا اۋلانى اباتتاندىرۋ باستالادى. سودان كەيىن بىردەن قولدانىسقا بەرىلەدى.
«ينجەنەرلىك جەلىلەردى تارتۋ جۇمىستارى ۋاقىتىلى جۇرگىزىلۋى ءتيىس. كەيىننەن قونىستانعان حالىق اراسىندا ساپاسىز قۇرىلىسقا شاعىم بولماۋى قاجەت. اكىمدىكپەن بىرلەسە, اقىلداسا قىزمەت ەتىڭىزدەر. ءۇي سالۋ جاقسى, ونىڭ ساپالى بولۋى ودان دا ماڭىزدى», - دەدى اسحات بەردىحانوۆ.
ودان سوڭ اكىم كۇردەلى جوندەۋدەن ءوتىپ جاتقان 8-10 شاعىناۋداننىڭ جولىن كوردى. بۇل جەردە كوشە جارىعىن ورنالاستىرۋ ماسەلەسى قاراستىرىلدى. جولاۋشىلار تاسىمالى جانە اۆتوموبيل جولدارى ءبولىمىنىڭ باسشىسى باعدات اليەۆتىڭ سوزىنشە, جوبا 2026 جىلعا وتپەلى بولادى. اكىم كوشە جارىعىن قويۋدا ادامدارعا ىڭعايلى بولۋى قاجەتتىلىگىن اتاپ ءوتتى. بۇگىندە مۇندا ءبىرشاما جۇمىستار اياقتالعان, تروتۋار بورديۋرلارى, ايالدامالار قويىلىپ, جولدىڭ كەي بولىگىنە اسفالت توسەلگەن. بۇل جۇمىستار قالانىڭ باس جوسپارىنا سايكەس اتقارىلۋدا.
ايتا كەتەيىك, بيىل شەڭگەلدى اۋىلدىق وكرۋگىندەگى ەلدىمەكەندەردىڭ جولى اعىمداعى جوندەۋدەن وتۋدە. سونداي-اق «كوشپەندىلەر قالاشىعىنا» جاڭادان جول سالىنۋدا. «قارلىعاش» ىقشاماۋدانىندا دا جول كۇردەلى جوندەۋدەن وتۋدە.
قۇرىلىس سالاسىنا كەلسەك, جىل باسىنان 18843 شارشى مەتر تۇرعىن ءۇي قولدانىسقا بەرىلدى. ال قۇرىلىس جۇمىستارىنىڭ كولەمى 9,7 ملرد.تەڭگەنى قۇرادى.
الماتى وبلىسى.
