كوميتەتتىڭ رەسمي اقپاراتىنا سايكەس, وقيعا الماتى وبلىسى بويىنشا دەپارتامەنتتىڭ مەديتسينالىق بولىمشەسىندە بولعان.
مامانداردىڭ الدىن الا قورىتىندىسى بويىنشا, ساربازدىڭ ولىمىنە مەنينگوكوكتسەميا – اعزاعا تەز تارايتىن جانە اۋىر وتەتىن جۇقپالى ينفەكتسيا – سەبەپ بولۋى مۇمكىن.
«اتالعان فاكتى بويىنشا الماتى قالاسى ناۋرىزباي اۋدانىنىڭ پوليتسيا باسقارماسىندا سوتقا دەيىنگى تەرگەۋ باستالدى. قىزمەتتىك تەكسەرىس تاعايىندالدى», – دەلىنگەن رەسمي حابارلامادا.
قازىر قر قىلمىستىق-پروتسەستىك كودەكسىنە سايكەس ءتيىستى ساراپتامالار جۇرگىزىلىپ جاتىر.
وقيعانىڭ ناقتى ءمان-جايى مەن سەبەپتەرى قىزمەتتىك تەرگەۋ ناتيجەسىندە انىقتالاتىن بولادى.
ۇلتتىق قاۋىپسىزدىك كوميتەتىنىڭ شەكارا قىزمەتى قازا تاپقان ساربازدىڭ تۋىستارى مەن جاقىندارىنا قايعىرىپ كوڭىل ايتتى.
ء«بىز مارقۇمنىڭ وتباسى مەن تۋعان-تۋىستارىنا شىن جۇرەكتەن كوڭىل ايتامىز. قىزمەت بابىنداعى ءاربىر جاۋىنگەردىڭ ءومىرى ءبىز ءۇشىن قىمبات», – دەپ مالىمدەدى ۆەدومستۆو وكىلدەرى.
