جەلەزين اۋدانىنىڭ ءبىر اۋىلىندا شەتەل ازاماتىنىڭ حالىققا زاڭسىز مەديتسينالىق قىزمەت كورسەتكەن دەرەگى اشكەرەلەندى.
- زاڭسىز قىزمەتپەن اينالىسقان تۇلعانىڭ ستوماتولوگيالىق قىزمەت كورسەتۋگە رۇقسات بەرەتىن ءتيىستى قۇجاتتارى بولماي شىقتى. پوليتسيا زاڭسىز مەديتسينالىق قىزمەت كورسەتۋ فاكتىسى بويىنشا اكىمشىلىك ءىس قوزعادى. ماتەريال پاۆلودار وبلىسى بويىنشا مەديتسينالىق جانە فارماتسەۆتيكالىق باقىلاۋ كوميتەتى دەپارتامەنتىنە قاراۋعا جولداندى, – دەپ حابارلادى پاۆلودار وبلىسى پوليتسيا دەپارتامەنتىنەن.
ءتارتىپ ساقشىلارى اتالعان زاڭسىزدىق «دارمەك» رەسپۋبليكالىق جەدەل-پروفيلاكتيكالىق ءىس-شاراسى اياسىندا انىقتالعانىن ايتادى. ونىڭ اياسىندا پوليتسەيلەر 1 توننادان استام ءدارى مەن امپۋلا تۇرىندەگى ەسىرتكى قۇرالدارى, پسيحوتروپتىق زاتتار مەن پرەكۋرسورلاردىڭ اينالىمىن شەكتەگەن.
پاۆلودار وبلىسى
