بيىلعى قىركۇيەك ايىندا وبلىس جانە ەكىباستۇز قالاسى اۋماعىندا ازاماتتاردىڭ قارجىسىن قاشىقتان جىمقىرۋدىڭ ەكى دەرەگى تىركەلگەن.
- الاياقتار WhatsApp قوسىمشاسى ارقىلى تۇرعىندارعا قوڭىراۋ شالىپ, وزدەرىن ءتۇرلى مەملەكەتتىك جانە قارجى ۇيىمدارىنىڭ قىزمەتكەرلەرى رەتىندە تانىستىرعان. جەكە دەرەكتەردى قورعاۋ مەن كيبەرقىلمىستىڭ الدىن الۋ سىلتاۋىمەن ازاماتتاردى الداپ, قولجەتىمدىلىك كودتارى مەن بانك دەرەكتەرىن يەمدەنگەن. كەلتىرىلگەن جالپى شىعىن 12 ميلليون تەڭگەدەن استى, – دەيدى پاۆلودار وبلىسى پوليتسيا دەپارتامەنتى باستىعىنىڭ ءبىرىنشى ورىنباسارى بولات نۇرسەيىتوۆ.
بۇل قىلمىستىق سحەماعا ءوز SIM-كارتالارى مەن WhatsApp اككاۋنتتارىن جالعا بەرىپ, قاشىقتان تابىc تابۋدى ماقسات ەتكەن كوللەدج ستۋدەنتتەرى تارتىلعان. تولەم كريپتوۆاليۋتامەن جۇرگىزىلگەن.
- جەدەل ءىس-شارالاردىڭ ناتيجەسىندە ءوز نومىرلەرىن پايدالانۋعا بەرگەن ەكى كامەلەتكە تولماعان ءجاسوسپىرىم ۇستالدى. ولاردىڭ قولىنان 70-تەن استام SIM-كارتا مەن ءموبيلدى قۇرىلعىلار تاركىلەندى. سحەمادا پايدالانىلعان 100-دەن استام ابونەنتتىك ءنومىر انىقتالدى. قازىرگى ۋاقىتتا اسا ءىرى كولەمدە جاسالعان الاياقتىق دەرەگى بويىنشا سوتقا دەيىنگى تەرگەۋ باستالدى, – دەپ اتاپ ءوتتى دەپارتامەنت وكىلى.
پاۆلودار وبلىسى
