فوتو: اقوردا
قاسىم-جومارت توقاەۆ دورين بوگدان-ءمارتيندى حالىقارالىق ەلەكتر بايلانىسى وداعىنىڭ 160 جىلدىعىمەن قۇتتىقتاپ, ۇيىم تسيفرلىق تەحنولوگيالار سالاسىنداعى جاھاندىق ىنتىماقتاستىقتا ماڭىزدى ءرول اتقاراتىنىن ايتتى.
پرەزيدەنت زاماناۋي تسيفرلىق ەكوجۇيە مەن دامىعان ينفراقۇرىلىم قالىپتاستىرۋ ماسەلەسىنە ايرىقشا ءمان بەردى. وسى ورايدا قازاقستاننىڭ OneWeb, Starlink, Amazon Kuiper جانە Shanghai Spacecom Satellite Technology سياقتى تومەن وربيتالى جەر سەرىكتەرى جۇيەسى جوبالارىنا بەلسەندى تۇردە قاتىساتىنىن اتاپ ءوتتى.
باس حاتشى دورين بوگدان-مارتين ەلىمىزدىڭ تسيفرلىق يندۋستريانى دامىتۋعا جانە جاساندى ينتەللەكت تەحنولوگيالارىن ەنگىزۋگە باعىتتالعان كۇش-جىگەرىنە جوعارى باعا بەردى. سونداي-اق حالىقارالىق ەلەكتر بايلانىسى وداعىنىڭ قازاقستانمەن سەرىكتەستىكتى ودان ءارى تەرەڭدەتۋگە جانە بىرلەسكەن باستامالاردى كەڭەيتۋگە دايىن ەكەنىن جەتكىزدى.
