شامامەن 1760 جىلى اعىلشىن كارتوگرافى دجون سپيلسبەري وقۋشىلارعا جاعرافيا ءپانىن قىزىقتى وتكىزۋ ءۇشىن كارتانى اعاش تاقتايشاعا جەلىمدەپ, بىرنەشە ەلدىڭ شەكاراسىن قيىپ شىعىپتى. سودان كەيىن شاكىرتتەرىنە مەملەكەتتەردىڭ ورنالاسۋىن ءدال تاۋىپ قويۋدى تاپسىرادى. مىنەكي, العاشقى پازل وسىلاي پايدا بولعان ەكەن. بىراق سول كەزدەرى بۇل باس قاتىرعىش ويىن ەمەس, ءبىلىم بەرۋدىڭ تاپتىرماس قۇرالى رەتىندە قابىلدانعان. تەك حح عاسىردا اعاش تاقتايشانى كارتونمەن الماستىرعاننان كەيىن, پازلدار كوپتەپ شىعارىلىپ, قۇنى قولجەتىمدى بولدى.
