فوتو: gov.kz
مەملەكەت باسشىسى قاسىم-جومارت توقاەۆتىڭ قولداۋىمەن جۇزەگە اسىپ جاتقان كەشەندى شارالاردىڭ ناتيجەسىندە جاستاردىڭ مۇعالىم بولۋعا ىنتاسى ارتىپ كەلەدى. پەداگوگ ماماندىعى بويىنشا وقىپ جاتقان ستۋدەنتتەردىڭ شاكىرتاقىسى كەيىنگى بەس جىلدا 2 ەسە كوبەيىپ, جاڭا وقۋ جىلىنان باستاپ 84 مىڭ تەڭگە بولدى. 2004-2005 وقۋ جىلىندا 1800-گە جۋىق «التىن بەلگى» يەگەرى پەداگوگيكالىق ماماندىققا وقۋعا تۇسسە, بيىل 2 مىڭنان استام ۇزدىك تۇلەك ۇستاز ماماندىعىن تاڭداعان. بۇل – وسى جىلى وقۋ بىتىرگەن «التىن بەلگى» يەگەرلەرىنىڭ 23 پايىزعا جۋىعىن قۇرايدى.
جاس پەداگوگتەردى قولداۋ ماقساتىندا پەداگوگ-تالىمگەرلەر مەن پەداگوگيكالىق قىزمەتىن جاڭا باستايتىن جاس ماماندار ءۇشىن ارنايى ءبىلىم بەرۋ كۋرستارىنىڭ باعدارلامالارى مەن ادىستەمەلىكتەرى ازىرلەنگەن. ودان بولەك اۋىلعا بىلىكتى كادرلاردى تارتۋ ماقساتىندا «ديپلوممەن اۋىلعا» باعدارلاماسى تۇراقتى جۇزەگە اسىرىلىپ جاتىر.
