ارقا كۇيشىلىك مەكتەبىنىڭ بۇگىنگى وكىلى قايرات ايتباەۆ بابالار سازىن ورىنداپ قانا قويماي, تىڭدارمانعا جاڭا فورماتتا جەتكىزىپ جۇرگەن سينكرەتتى ونەرپاز. ول كۇي تاريحى, كۇيشىنىڭ شىعارماشىلىق زەرتحاناسى حاقىندا بىرقاتار ەڭبەك جازىپ, ونەرتانۋ عىلىمىنا ەرەسەن ۇلەس قوسقان زەرتتەۋشى. تاتتىمبەت مەرەيتويىنا ارنالعان كەش تە كورەرمەندى جاڭاشا تاڭعالدىرارى انىق.
كەش جۇرگىزۋشىسى – اقىن ۇمتىل زارىققان.
ارنايى قوناقتار قاتارىندا قازاقستاننىڭ ەڭبەك سىڭىرگەن قايراتكەرى, داۋلەسكەر كۇيشى, مۋزىكاتانۋشى عالىم جانعالي ءجۇزباي, مەملەكەت جانە قوعام قايراتكەرى, پروفەسسور دۇيسەن قاسەيىنوۆ بار.
باعدارلامادا جاس اقىنداردىڭ پوەزياسى, ءداستۇرلى ءان مەن كۇي ونەرىنىڭ وزىق ۇلگىلەرى ۇسىنىلادى. كەشكە اقىندار تىلەۋبەك باتىس ۇلى مەن تولەگەن ميللات, ءداستۇرلى ءانشى سەرجان مۇسايىن, ءانشى كۇنسۇلۋ تۇرىكپەن, كۇيشىلەر مۇرات سۇلتانباي, ايتولقىن توقتاعان, ۆەنەرا تابىس, ايدوس سانيازبەك ۇلى, جاقانوۆ نۇرمۇحانمەت جانە جاس تالانت ءاليحان مولدابەك ۇلى قاتىسادى.
كۇي مەن جىر قاتار ورىلەتىن كەش 16 قازانى كۇنى, ساعات 19:00-دە وتەدى.
