وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ مالىمەتىنە سۇيەنسەك, عاسىر جاساعان قاريالاردىڭ ەڭ كوبى پانفيلوۆ اۋدانىندا تۇرادى — 11 ادام. تالدىقورعاندا — 5, كەربۇلاقتا — 3, ەسكەلدىدە — 2, قاراتال اۋدانىندا — 1 ادام تىركەلگەن. ايماقتاعى جالعىز سوعىس ارداگەرى, 101 جاستاعى مايدانگەر ىسقاق قۇسايىنوۆ تا وسى تىزىمدە بار.
1-10 قازان ارالىعىندا حالىقارالىق قارتتار كۇنىنە وراي وبلىس كولەمىندە ءتۇرلى ءىس-شارالار جوسپارلانعان. اتاپ ايتقاندا, ەمحانالار مەن مۋزەيلەردە اشىق ەسىك كۇندەرى, قايىرىمدىلىق اكتسيالارى, ادەبي-مادەني كەشتەر, مەكتەپتەردە تاربيە ساعاتتارى ۇيىمداستىرىلادى. سونىمەن قاتار, 2500-گە جۋىق جالعىزباستى قاريانىڭ ءۇيىن ەرىكتىلەر تازالاپ بەرمەك. سپورت ارداگەرلەرىنىڭ قاتىسۋىمەن 40-تان اسا سپورتتىق جارىس وتەدى.
جالپى, جەتىسۋ وبلىسىندا 95 مىڭعا جۋىق زەينەتكەر بار. ولاردىڭ بەلسەندى ءومىر سۇرۋىنە قولداۋ كورسەتۋ ماقساتىندا بىرنەشە اۋداندا "ۇزاق ءومىر ءسۇرۋ ورتالىقتارى" جۇمىس ىستەيدى. زەينەتكەرلەر ءۇشىن قوعامدىق كولىكتە تەگىن ءجۇرۋ مۇمكىندىگى قاراستىرىلعان, ال مۇمكىندىگى شەكتەۋلى جاندارعا شيپاجايلىق ەمدەلۋگە ارنالعان ارنايى باعدارلامالار ۇسىنىلادى.
وبلىس باسشىلىعىنىڭ ايتۋىنشا, قاريالارعا قولداۋ كورسەتۋ — قوعام الدىنداعى باستى مىندەتتەردىڭ ءبىرى.
