فوتو: ەرلان ومار
كەزدەسۋ الدىمەن رەداكتسيانىڭ ءماجىلىس زالىنان باستالدى. مۇندا ستۋدەنتتەردى باس ديرەكتور ديحان قامزابەك ۇلى باستاعان شىعارماشىلىق ۇجىم قارسى الدى. سەرىكتەستىك باسشىسى جۋرناليستيكانىڭ قوعامدىق ءرولى تاقىرىبىندا ءسوز سويلەپ, ونىڭ الداعى بولاشاعىنىڭ باعدارىن ءتۇسىندىردى. ونىڭ ايتۋىنشا, باسىلىم بەتىندە جارىق كورەتىن ءاربىر ءارىپ پەن ءار ءسوزدىڭ ارتىندا ۇلكەن جاۋاپكەرشىلىك بار, سول سەبەپتى گازەت جۋرناليستيكاسى ساۋاتتىلىقتى, مادەنيەتتىلىكتى جانە ۇقىپتىلىقتى ۇيرەتەدى.
سونىمەن قاتار ديرەكتور ورىنباسارى قامبار احمەت ستۋدەنتتەرگە جۋرناليستىك ەتيكا حاقىندا تولىمدى ماعۇلامات بەردى. اقپاراتتى شىندىق سۇزگىزىنەن وتكىزۋ, ساراپتاۋ, جاريالاۋ ۇدەرىستەرىنىڭ ساتىلارىن بايانادادى.
ءسوز بارىسىندا باس رەداكتوردىڭ ورىنباسارى تالعات باتىرحان دا ستۋدەنتتەرگە ءوزىنىڭ تاجىريبەسىنەن ماڭىزدى كەڭەستەر بەردى.
«جۋرناليستيكا – ۇيرەتەتىن ەمەس, ۇيرەنەتىن ونەر». شىعارماشىلىق جۇمىس بولعاننان كەيىن تىلشىدەن كۇندەلىكتى ىزدەنىس تالاپ ەتىلەدى. ءتىلشى كەز-كەلگەن ساتتە, كەز-كەلگەن جاعدايدا جازۋعا دايىن بولۋى ءتيىس. بۇل ءۇشىن پراكتيكالىق ەڭەبەكتىڭ ماڭىزى زور», دەدى ت. باتىرحان.
ودان بولەك, باسقا دا باس رەداكتور ورىنباسارلارى ستۋدەنتتەرگە كاسىبي ماشىقتارىن ارتتىراتىن كەڭەستەرىن ايتتى.
كەزدەسۋدەن سوڭ, ستۋدەنتتەر رەداكتسيانىڭ ءتۇرلى بولىمدەرىنە ەكسكۋرسيا جاسادى. ولار ساياسات جانە قۇقىق, ءبىلىم جانە عىلىم, مادەنيەت جانە ادەبيەت, الەۋمەت جانە سپورت بولىمدەرىنىڭ تىلشىلەرىمەن جۇزدەسىپ, قىزمەت بارىسىن بايقادى.
سونىمەن قاتار ينتەرنەت-راداكتسيا بولىمىنە كەلىپ سايت جۇيەسىمەن, ونىڭ جۇمىس تارتىبىمەن تانىستى.
ودان شىعا بەرە, ستۋدەنتتەر گازەت بەتىنىڭ ازىرلەنۋ, تەكسەرىلۋ كەزەڭىن باقىلاپ, كاسىبي رەداكتسيالاۋ جۇمىسىنىڭ قىر-سىرىن ۇعىندى.
جيىن سوڭىندا گازەتتىڭ اعا ءتىلشىسى بەكەن قايرات ۇلى بولاشاق تىلشىلەرگە اق ساپار تىلەپ, ەستەلىك سىيلىقتارىن تارتۋ ەتتى.
ارايلىم مايساتاي,
Maqsut Narikbayev University ستۋدەنتى
