مەملەكەتتىك قىزمەت كورسەتۋ ءتارتىبىن, ءتيىستى زاڭنامانىڭ بۇزىلۋىن الدىن الۋ ماقساتىندا قالا اۋماعىنداعى مەملەكەتتىك ورگاندارعا ادىستەمەلىك كومەك كورسەتە وتىرىپ, زاڭ بۇزۋشىلىق انىقتالعان جاعدايدا نۇسقاما بەرىلەدى جانە قايتا بولدىرماۋ ماقساتىندا ۇسىنىستار جولدايدى. وسىلايشا, مەملەكەتتىك قىزمەتتەر كورسەتۋ ساپاسىن مەملەكەتتىك باقىلاۋ شەڭبەرىندە دەپارتامەنتپەن ورتالىق مەملەكەتتىك ورگانداردىڭ اۋماقتىق بولىمشەلەرى مەن جەرگىلىكتى اتقارۋشى ورگاندارىندا جوسپارلى جانە جوسپاردان تىس تەكسەرۋ ءىس-شارالارى جۇزەگە اسىرىلادى. ناتيجەسىندە, بۇزۋشىلىقتار انىقتالىپ, ولاردى جويۋ بويىنشا ۇسىنىستار ەنگىزىلەدى.
سونداي-اق دەپارتامەنت ازاماتتاردان تۇسكەن ارىز-شاعىمداردى قاراپ, ونىڭ ىشىندە ەگەر دە شاعىم نەگىزدى بولسا, ازاماتتاردىڭ قۇقىقتارىن قالپىنا كەلتىرۋ بويىنشا جۇمىستاردى دا ءاردايىم جۇزەگە اسىرادى. ماسەلەن, مەملەكەتتىك قىزمەت كورسەتۋ ساپاسىنا بايلانىستى جىل باسىنان دەپارتامەنتكە جەكە جانە زاڭدى تۇلعالاردان 190-نان اسا شاعىم كەلىپ ءتۇستى. ولاردىڭ ىشىندەگى نەگىزدەلگەن وتىنىشتەر قاناعاتتاندىرىلىپ, ناتيجەسىندە 21 قىزمەت الۋشىنىڭ قۇقىقتارى قالپىنا كەلتىرىلدى. وسى ورايدا قىزمەتىن ءتيىستى دارەجەدە اتقارماعان 17 قىزمەتكەر تارتىپتىك, 10 لاۋازىمدى تۇلعا اكىمشىلىك جاۋاپكەرشىلىككە تارتىلىپ, 511 160 تەڭگە مولشەرىندە اكىمشىلىك ايىپپۇل سالىندى.
وعان قوسا «يس INDIGO ەلەكتروندىق بالاباقشا» اقپاراتتىق جۇيەسىندە جۇرگىزىلگەن مونيتورينگ ناتيجەسىندە, 135 ازاماتتىڭ قۇقىعى قورعالدى. ياعني مەكتەپكە دەيىنگى جاستاعى بالالاردى مەكتەپكە دەيىنگى ءبىلىم ۇيىمدارىنا جىبەرۋ كەزەگى قالپىنا كەلتىرىلدى.
مەملەكەت پەن قوعام اراسىنداعى قارىم قاتىناستى كۇشەيتۋ ماقساتىندا دەپارتامەنت جانىندا قۇرىلعان ۆەدومستۆوارالىق جۇمىس توبىنىڭ وتىرىستارى وتكىزىلىپ, وندا قوعام وكىلدەرىمەن بىرلەسىپ مەملەكەتتىك قىزمەت كورسەتۋ ساپاسىن ارتتىرۋ جانە انىقتالعان كەمشىلىكتەردى جويۋ بويىنشا ءتيىستى مەكەمەلەر مەن ۇيىمدارعا ۇسىنىس بەرىلدى.
دەپارتامەنت باقىلاۋ فۋنكتسيالارىنان باسقا مەملەكەتتىك قىزمەت كورسەتۋ زاڭناماسىنىڭ بۇزىلۋىن الدىن الۋ ءۇشىن تۇراقتى تۇردە اقپاراتتىق تۇسىندىرمە ءىس-شارالاردى ۇيىمداستىرادى. ماسەلەن, حالىققا مەملەكەتتىك قىزمەت كورسەتۋ ماسەلەلەرى بويىنشا اقپارات بەرۋ ماقساتىندا «قىزمەت الۋشىلار كۇنى», مەملەكەتتىك قىزمەت كورسەتەتىن قىزمەتكەرلەرگە ارنالعان «قىزمەت بەرۋشى مەكتەبى», مەملەكەتتىك قىزمەت كورسەتۋ سالاسىنداعى قىزمەتكەرلەردىڭ ازاماتتارعا ساپالى قىزمەت كورسەتۋىن جەتىلدىرۋ ءۇشىن «ەڭ الدىمەن ادامدار» باعدارلامالىق وقىتۋلارى وتكىزىلەدى.
سونداي-اق مەملەكەتتىك قىزمەت كورسەتۋ ساپاسىن قامتاماسىز ەتۋ جونىندەگى فۋنكتسيالاردى ىسكە اسىرۋ شەڭبەرىندە نورماتيۆتىك قۇقىقتىق اكتىلەردى جەتىلدىرۋدى تالاپ ەتەتىن ماسەلەلەر دە انىقتالادى.
وسى ورايدا دەپارتامەنت مەملەكەتتىك قىزمەتتەردى كورسەتۋ كەزىندەگى سەرۆيستىك ۇدەرىستەردى اۆتوماتتاندىرۋ, مەملەكەتتىك قىزمەتتەردى كورسەتۋدىڭ ءتاسىلىن ىسكە اسىرۋ بويىنشا تۇراقتى تۇردە ۇسىنىستار ازىرلەيدى جانە مەملەكەتتىك قىزمەتتەردىڭ ساپاسى مەن كورسەتىلەتىن قىزمەتتى الۋشىلاردىڭ قاناعاتتانۋ دەڭگەيىنىڭ تومەندەۋىنە اسەر ەتەتىن فاكتورلارعا تۇراقتى تۇردە تالداۋ جۇرگىزىپ وتىرادى. ماسەلەن, مەملەكەتتىك قىزمەتتەردى كورسەتۋدى رەتتەيتىن نورماتيۆتىك قۇقىقتىق اكتىلەردى تالداۋ بارىسىندا «E-gov» ەلەكتروندىق ۇكىمەت پورتالىندا كەيبىر قىزمەتتەر پورتال ينفراقۇرىلىمىنا ينتەگراتسيالانباعانى انىقتالىپ جاتادى. وسى نەگىزدە اقپاراتتىق جۇيەلەردى پورتال ارقىلى قولجەتىمدىلىككە جەتكىزۋ بويىنشا دا ءىس-شارالاردى دەپارتامەنت ۋاقتىلى قابىلدايدى.
سونىمەن قاتار الەۋمەتتىك سۇرانىسقا يە قىزمەتتەرمەن قاتار بيزنەس, ينۆەستيتسيا, سۋبسيديا جانە مەملەكەتتىك قولداۋدىڭ وزگە دە شارالارىن دامىتۋعا, وڭتايلاندىرۋعا باعىتتالعان مەملەكەتتىك فۋنكتسيالار مەن قىزمەتتەردى بيۋروكراتيالاندىرۋ بويىنشا جۇمىستاردىڭ دا جۇرگىزىلىپ جاتقانىن اتاپ وتكەن ءجون.
دەپارتامەنت مەملەكەتتىك قىزمەتتەردى كورسەتۋ بارىسىندا جەكە جانە زاڭدى تۇلعالاردىڭ قۇقىقتارىنىڭ ساقتالۋىن الداعى ۋاقىتتا دا ءجىتى باقىلاۋدا ۇستايدى. ەگەر دە مەملەكەتتىك قىزمەتتەر كورسەتۋ كەزىندە قۇقىق بۇزىلسا, ازاماتتار دەپارتامەنتكە جازباشا نەمەسە «ەلەكتروندى ۇكىمەت» ۆەب-پورتالى نەمەسە, «E-otinish» پلاتفورماسى ارقىلى ەلەكتروندى تۇردە, سونداي-اق «EgovKzBot 2.0» تەلەگرام-بوت «ۋاكىلەتتى ورگانعا ءوتىنىش» باتىرماسى ارقىلى جۇگىنە الادى.
ەربول جولدانعار,
مەملەكەتتىك قىزمەت ىستەرى اگەنتتىگى
استانا قالاسى بويىنشا دەپارتامەنتىنىڭ باسشىسى
