بۇل باستاما قازاقستان رەسپۋبليكاسى پرەزيدەنتىنىڭ جانىنداعى ۇلتتىق عىلىم اكادەمياسىنىڭ قولداۋىمەن جانە «قاس-ساق» حالىقارالىق قايىرىمدىلىق قوعامدىق قورىنىڭ ۇيىمداستىرۋىمەن جۇزەگە استى. بەلگىتاس قۇر ەسكەرتكىش قانا ەمەس, كونە داۋىردەن سىر شەرتەتىن امانات, ۇرپاق ساناسىنا ۇيالايتىن تاريح پاراعى.
سالتاناتتى ءىس-شارادا وتكەن عىلىمي-تاجىريبەلىك كونفەرەنتسيادا عالىمدار مەن تاريحشىلار شىلىكتى وڭىرىنەن تابىلعان جادىگەرلەردىڭ وركەنيەتتىك ماڭىزىنا توقتالدى. ساق دالاسىنىڭ مۇراسى تەك قازاقستانعا عانا ەمەس, كۇللى ادامزات وركەنيەتىنە ورتاق قۇندىلىق ەكەنى تاعى ءبىر مارتە ايقىندالدى.
جيىن تەك عىلىمي پىكىرتالاسپەن شەكتەلگەن جوق. «بەيبىتشىلىك جانە كەلىسىم» شەرۋى ءوتتى, كوپشىلىك نازارىنا « ۇلى ساقتار وركەنيەتىنىڭ وشاعى – شىلىكتى» كورمەسى ۇسىنىلدى. بابالار رۋحىنا ارنالىپ اس بەرىلىپ, ايتىسكەر اقىندار جىر توكتى. ەتنوفەستيۆالدا كونە ءداستۇر مەن ۇلتتىق ونەردىڭ بوياۋى
بايقالدى.
شىلىكتىدەگى التىن ادامنىڭ بەدەرلى بۇل ءمۇسىنى ەلدىك رۋحتىڭ, ماڭگىلىك مۇراتتىڭ نىشانى. ول زايسان ءوڭىرىنىڭ مادەني كەلبەتىن جاڭا قىرىنان تانىتىپ, جاس ۇرپاقتىڭ جۇرەگىنە ء«بىز – ساقتىڭ جۇراعاتى, ۇلى دالا – التىن بەسىگىمىز» دەگەن سەنىمدى ۇيالاتارى ءسوزسىز.
شىعىس قازاقستان وبلىسى,
زايسان اۋدانى
