ۇرىس قيمىلدارىنا جاقىنداتىلعان جاعدايدا اسكەري قىزمەتشىلەر قوزعالمالى نىسانالارعا, ءارتۇرلى قاشىقتىقتاردان جانە ءتۇرلى پوزيتسيالاردان, سونداي-اق بولىمشەلەر قۇرامىندا پوزيتسيالاردى جانە باستاپقى شەكارالاردى اۋىستىرا وتىرىپ اتىس جۇرگىزۋدى پىسىقتادى. تاكتيكالىق جاتتىعۋلار شەكتەۋلى كورىنۋ جاعدايىندا دا ورىندالدى.
تاكتيكالىق اتىس ستاندارتتارى بارلاۋشىلاردى كەشەندى دايارلاۋدىڭ ماڭىزدى ەلەمەنتى بولىپ تابىلادى. بارلاۋ تاپسىرمالارىن ورىنداۋ بارىسىندا جاسىرىن ورىن اۋىستىرۋ, تورۋىلدار مەن بولىمشەلەردى بۇركەمەلەۋ شارالارى قولدانىلدى.
«نىسانالاردى كەز كەلگەن جاعدايدا ءدال ءارى تەز جويا ءبىلۋ – قويىلعان مىندەتتەردى ءساتتى ورىنداۋدىڭ كەپىلى. مۇنداي جاتتىعۋلار جەكە قۇرامدا اتىس ارەكەتتەرىندەگى سەنىمدى داعدىلار مەن ءوز كۇشىنە دەگەن سەنىمدىلىكتى قالىپتاستىرادى», دەدى اتىس نۇسقاۋشىسى زاپاستاعى پولكوۆنيك سەرىك وماروۆ.
بارلىق ساباقتار قاۋىپسىزدىك شارالارى ساقتالا وتىرىپ, شتاتتىق قارۋ-جاراق پەن جەكە قورعانىس قۇرالدارىن پايدالانۋ ارقىلى وتكىزىلدى. جاتتىعۋلار اتىس جۇرگىزۋ جانە جاۋىنگەرلىك دايارلىق بويىنشا پراكتيكالىق داعدىلاردى جەتىلدىرۋگە ىقپال ەتتى.
