مەملەكەت باسشىسىنىڭ ايتۋىنشا, سوڭعى بەس جىلدا ءبىلىم جانە عىلىم سالاسىنا سالىنعان ينۆەستيتسيا كولەمى بەس ەسەگە ارتقان. بۇل ۇلتتىق عىلىمدى دامىتۋعا تىڭ سەرپىن بەرىپ وتىر.
««زەرتتەۋ ۋنيۆەرسيتەتتەرى كوبەيۋدە, ولاردىڭ وندىرىسپەن بايلانىسى نىعايىپ كەلەدى. قازىردىڭ وزىندە 300-گە جۋىق كوممەرتسيالىق جوبا جۇزەگە اسىرىلۋدا. «ۋنيۆەرسيتەت – زەرتتەۋ – يننوۆاتسيا – كوممەرتسيا» كەشەندى جۇيەسى قالىپتاستى. الەمنىڭ 40 جەتەكشى جوعارى وقۋ ورنىمەن سەرىكتەستىك ورناتىلدى, ەلىمىزدە 33 فيليال جۇمىس ىستەپ تۇر. تەحنولوگيا پاركتەرى مەن ينجينيرينگ ورتالىقتارى قۇرىلۋدا. ۇلتتىق عىلىم اكادەمياسىنىڭ بەدەلى ارتىپ, ءار ايماقتا عىلىم جونىندەگى كەڭەستەر ىسكە كىرىستى», دەدى پرەزيدەنت.
سونىمەن قاتار مەملەكەت باسشىسى عالىمداردىڭ مۇددەسىن قورعاۋ, كادرلىق الەۋەتتى نىعايتۋ, جاس عالىمدارعا قولداۋ كورسەتۋ – الداعى ۋاقىتتىڭ باستى مىندەتتەرى ەكەنىن ەرەكشە اتاپ ءوتتى.
«عىلىم جانە تەحنولوگيالىق ساياسات تۋرالى» جاڭا زاڭ قابىلدانىپ, عىلىمدى باسقارۋدىڭ قۇقىقتىق نەگىزى جاسالدى. بۇل باعىتتاعى جۇمىس جالعاسۋى ءتيىس. ايتپەسە, كۇرە جولدىڭ شەتىندە قالىپ قويۋ قاۋپى بار», دەدى قاسىم-جومارت توقاەۆ.
