فوتو: Depositphotos.com
قازىرگى تاڭدا بۇۇ-عا مۇشە 193 مەملەكەتتىڭ ىشىندە شامامەن 160-ى پالەستينانى دەربەس مەملەكەت رەتىندە تانيدى. بۇل الەم قاۋىمداستىعىنىڭ تورتتەن ۇشىنەن استامىن قۇرايدى. سونىمەن قاتار ۆاتيكان دا پالەستينانى قولداپ, بۇۇ جانىندا باقىلاۋشى مارتەبەسىن ساقتاپ وتىر.
پالەستينا تاۋەلسىزدىگىن العاش رەت 1988 جىلى ياسير ارافات الجيردە جاريالاعان ەدى. سودان بەرى ازيا, افريكا, لاتىن امەريكاسى جانە اراب مەملەكەتتەرى جاپپاي قولداۋ بىلدىرگەن. قازىر بۇل ۇردىسكە ەۋروپا مەن انگلوساكسون ەلدەرى قوسىلىپ, گەوگرافياسى كەڭەيىپ وتىر.
ساياساتتانۋشىلاردىڭ پىكىرىنشە, مۇنداي مويىنداۋلار پالەستينانىڭ حالىقارالىق مارتەبەسىن كۇشەيتىپ, ەلشىلىكتەر اشۋعا, ساۋدا بايلانىستارىن دامىتۋعا جانە ءتۇرلى ۇيىمداردا قولداۋ تابۋعا جول اشادى. دەگەنمەن, يزرايلمەن قاقتىعىستى شەشۋ ءبىر كۇندە مۇمكىن ەمەس.
يزرايل تاراپى جاڭا شەشىمدەردى سىنعا الىپ وتىر. پرەمەر-مينيستر بينيامين نەتانياحۋ پالەستينالىق مەملەكەتتىلىكتى جوققا شىعارسا, ەلدىڭ بۇۇ جانىنداعى وكىلى دەنني دانون بۇل قادامدى «تەرروريزمدى ماراپاتتاۋ» دەپ باعالادى. اقش بولسا بۇرىنعى ۇستانىمىن ساقتاپ, پالەستينانى تەك كەلىسسوزدەر ناتيجەسىندە پايدا بولاتىن جاعدايدا عانا قولدايتىنىن مالىمدەدى.
