فوتو: pinterest.com
سەرىك جۇمانعارين ايتقانداي, وڭايلاتىلعان رەجيممەن جەكە تۇلعالارعا بولشەك ساۋدا قىزمەتىن كورسەتەتىن كاسىپكەرلەر عانا جۇمىس ىستەي الادى. زاڭدى تۇلعالارمەن جۇمىس ىستەيتىن كومپانيالار تولىققاندى بۋحگالتەرلىك ەسەپ پەن شەگەرىم قولدانىلۋى قاجەت جالپى سالىق سالۋ رەجيمىمەن جۇمىس ىستەيدى.
«تىيىم سالۋ» دەپ اتالاتىن تىزىمگە بيزنەسكە ارنالعان تاۋار ءوندىرىپ, قىزمەت كورسەتەتىن سالا كىرەدى. بۇل سالاداعى جيىنتىق اينالىمنىڭ 76%-دان استامى جالپىعا بىردەي رەجيمدى قولداناتىن سالىق تولەۋشىلەرمەن جاسالاتىن مامىلەگە جاتادى», دەدى سەرىك جۇمانعارين.
بۇل وڭدەۋ ونەركاسىبى, قۇرىلىس جانە جەر قويناۋىن پايدالانۋ, تابيعي مونوپوليالار, 2 مىڭ شارشى مەتردەن اساتىن الاڭدارداعى كوتەرمە جانە ءىرى بولشەك ساۋدا كاسىپورىندارى. شەكتەۋ تەلەكوممۋنيكاتسيا, ينتەرنەت جانە IT, قارجىلىق جانە ساقتاندىرۋ قىزمەتى, كونسالتينگ, كاسىبي جانە اگەنتتىك, سونداي-اق عىلىمي زەرتتەۋلەر مەن ازىرلەمەلەر سەكتورىنا قولدانىلادى.
اتاپ وتىلگەندەي, جەكەلەگەن سەكتورلاردا مۇنداي وپەراتسيالاردىڭ ۇلەسى ءىس جۇزىندە 100%-عا جەتەدى: قۇرىلىستا – 99,9%, جەر قويناۋىن پايدالانۋدا – 98,7%, كولىك پەن قويمادا – 96,7%. بۇل ساندار بۇگىندە جەڭىلدەتىلگەن رەجيمنىڭ ەداۋىر بولىگىن شاعىن بيزنەس ەمەس, ەكونوميكانىڭ ۇلكەن سەگمەنتىنە بىرىكتىرىلگەن ءىرى كومپانيالار قولداناتىندىعىن ايقىن كورسەتەدى.
«جالپى العاندا, ءسوز ەكونوميكالىق قىزمەتتىڭ 700-دەن استام ءتۇرى تۋرالى بولىپ وتىر. بۇل بارلىق ەقجج-ءنىڭ شامامەن 70%-ى. الايدا, سالىق تولەۋشىلەر تۇرعىسىنان الساق, جەڭىلدەتىلگەن رەجيمگە تىيىم سالۋ كاسىپورىنداردىڭ شامامەن 30%-نا عانا اسەر ەتەدى», دەدى ول.
جەڭىلدەتىلگەن سالىق رەجيمى ساقتالاتىن ەكىنشى توپتا بيزنەستىڭ 300-دەن استام ءتۇرى بار. ولاردىڭ قاتارىندا 2 مىڭ شارشى مەترگە دەيىنگى ساۋدا الاڭدارىنداعى بولشەك ساۋدا, ءدارىحانالار, قوعامدىق تاماقتانۋ نىساندارى, قوناق ۇيلەر, تۇرعىن ءۇي مەن كولىكتى جالعا الۋ, جەڭىل جانە تاماق ونەركاسىبى كاسىپورىندارى, جولاۋشىلار تاسىمالى, بالاباقشالار مەن ۇيىرمەلەر, مەديتسينالىق جانە الەۋمەتتىك قىزمەتتەر بار. تىزىمگە حالىققا قاجەت تۇرمىستىق جانە قۇرىلىس قىزمەتى, كرەاتيۆتى يندۋستريانىڭ جەكەلەگەن تۇرلەرى, مادەني جانە سپورتتىق نىساندار, سونداي-اق اۋىل شارۋاشىلىعى كىرەدى.
وسىلايشا, الدىن الا باعالاۋلار بويىنشا جەڭىلدەتىلگەن رەجيمدى قولدانۋ بارلىق سالىق تولەۋشىلەردىڭ شامامەن 70%-ى ءۇشىن ساقتالادى. بۇل دەگەنىمىز, تۇرعىندارعا باعدارلانعان شاعىن بيزنەستىڭ نەگىزگى بولىگى جەڭىلدەتىلگەن سالىق رەجيمىن پايدالانۋدى جالعاستىرادى دەگەندى بىلدىرەدى. ال ءىرى جانە جۇيەلىك قىزمەت جالپى بەلگىلەنگەن رەجيمگە اۋىسادى.
«تىزىمدەردىڭ جوباسى ءالى دە ازىرلەنىپ جاتىر. الدىن الا ءتىزىمدى «اشىق نقا» پورتالىندا ورنالاستىرۋدى جوسپارلاپ وتىرمىز. ول جاريالانعاننان كەيىن بيزنەسپەن جانە ساراپشىلارمەن تالقىلاۋ جالعاسادى», دەدى ۆيتسە-پرەمەر.
