فوتو: freepik.com
ءمينيستردىڭ سوزىنشە, رەفورمانىڭ تاعى ءبىر باستى قادامى – بانكتىك شوتتاردى اۆتوماتتى تۇردە بۇعاتتاۋدان باس تارتۋ. ونىڭ ورنىنا كاسىپكەرلەرگە ءوز قىزمەتىن توقتاتپاي-اق قاتەلىكتەرىن تۇزەتۋگە مۇمكىندىك بەرەتىن الدىن الا كامەرالدىق تەكسەرۋ ەنگىزىلەدى. سونداي-اق سالىقتىق اكىمشىلەندىرۋدى تسيفرلاندىرۋ مەن سەرۆيستىك مودەلگە كوشۋ كوزدەلىپ وتىر. مۇنداعى ماقسات – باقىلاۋدان گورى بيزنەسكە كەڭەس بەرىپ, قولداۋ كورسەتۋ.
«قاراستىرىلعان وزگەرىستەر كاسىپكەرلەردىڭ جۇمىسىن ەداۋىر جەڭىلدەتەدى. سالىق ەسەپتىلىگىن ازايتۋ جانە سالىقتى ازايتۋ بيزنەسكە قاعازباستىلىققا ەمەس, دامۋعا نازار اۋدارۋعا مۇمكىندىك بەرەدى. شوتتاردى اۆتوماتتى تۇردە بۇعاتتاۋدان باس تارتۋ – بۇل ءادىل جانە اشىق قارىم-قاتىناسقا قاراي جاسالعان ماڭىزدى قادام. وندا مەملەكەت كومپانيالاردىڭ جۇمىسىن توقتاتۋدىڭ ورنىنا ماسەلەنى شەشۋگە كومەكتەسەدى. مۇنداي شارالار مەملەكەت پەن كاسىپكەر اراسىنداعى ديالوگتى نىعايتىپ, قولايلى ينۆەستيتسيالىق احۋال تۋعىزادى», دەدى ءمادي تاكيەۆ.
جاڭا كودەكستە سارالانعان سالىق ستاۆكالارى, پروگرەسسيۆتى جەكە تابىس سالىعى جانە ءسان-سالتانات سالىعى ەنگىزىلمەك. زەينەتاقى تولەمدەرى جتس-تەن بوساتىلادى, مۇگەدەكتىگى بار ادامدارعا قوسىمشا سالىقتىق شەگەرىمدەر بەرىلەدى, الەۋمەتتىك ماڭىزدى مەديتسينالىق قىزمەتتەر ققس جەڭىلدىكتەرىمەن قامتىلادى.
بيزنەس ءۇشىن ارنايى سالىق رەجيمدەرى وڭتايلاندىرىلىپ, ەندى تەك ءۇش ءتۇرى قالادى: ءوزىن-ءوزى جۇمىسپەن قامتىعاندار ءۇشىن, جەڭىلدەتىلگەن دەكلاراتسيامەن جۇمىس ىستەيتىن شاعىن بيزنەس ءۇشىن جانە فەرمەرلەر ءۇشىن. سونىمەن قاتار ققس بويىنشا مىندەتتى تىركەۋ شەگى 70 ملن تەڭگەدەن 40 ملن تەڭگەگە دەيىن تومەندەتىلىپ, سالىق تولەۋشىلەردىڭ شەڭبەرى كەڭەيتىلەدى.
«اتامەكەن» ۇكپ توراعاسى رايىمبەك باتالوۆ تا بيزنەس پەن مەملەكەت اراسىنداعى سىندارلى ديالوگتىڭ ماڭىزدىلىعىن اتاپ ءوتىپ, قاجەت بولعان جاعدايدا سالىق كودەكسىنە جەدەل تۇزەتۋلەر ەنگىزۋگە دايىن ەكەندەرىن جەتكىزدى.
ء«بىز كاسىپكەرلەرمەن جانە ۋاكىلەتتى ورگاندارمەن پىكىر الماسامىز. ماسەلەنىڭ ءبىر بولىگى ىشكى نورماتيۆتىك قۇجاتپەن رەتتەلەدى. ەگەر تاجىريبە سالىق كودەكسىندەگى كەيبىر تارماقتىڭ ەسەپكە الىنباعانىن جانە ونىڭ بيزنەسكە تەرىس اسەر ەتەتىنىن كورسەتسە, وندا ۇكپ قارجى جانە ۇلتتىق ەكونوميكا مينيسترلىكتەرىمەن بىرگە نقا-عا قاجەتتى تۇزەتۋلەردى جەدەل ەنگىزە الادى», دەدى ول.
