فوتو: Pixabay
26 قىركۇيەكتە باتىس پەن سولتۇستىك-باتىستا, ال 27 قىركۇيەكتە سولتۇستىك پەن سولتۇستىك-باتىس وڭىرلەردە نوسەرلى جاۋىن-شاشىن كۇتىلىپ, كەي جەرلەردە بۇرشاق ارالاس جاۋىن مەن قاتتى جەل سوعادى. سونداي-اق, رەسپۋبليكانىڭ شىعىسى مەن وڭتۇستىك-شىعىسىندا تۇنگى جانە تاڭعى ۋاقىتتا تۇمان ءتۇسۋى ىقتيمال.
باتىس وڭىرىندە تۇنگى كورسەتكىشتەر 12–17 گرادۋستان 2–7 جىلىلىققا دەيىن تومەندەپ, كەي جەرلەردە 2°س-قا دەيىن ۇسىك جۇرەدى. كۇندىزگى تەمپەراتۋرا 20–28 گرادۋستان 10–23°س ارالىعىنا دەيىن تومەندەيدى.
سولتۇستىك-باتىستا تۇندە 7–15 گرادۋستان 3–11 جىلىلىق كۇتىلەدى. كۇندىزگى تەمپەراتۋرا 23–29-دان 10–18°س-قا دەيىن وزگەرەدى.
سولتۇستىك وڭىردە تۇندە 10–16 جانە 5–13 °س شاماسىندا جىلى بولسا, كۇندىز 20–28-دەن 12–25 °س ارالىعىندا ساقتالادى.
ورتالىقتا تۇنگى تەمپەراتۋرا 5–13 °س, كۇندىز 20–25 °س جىلى بولادى. ال شىعىستا تۇندە 0–8-دەن 7–15 °س-قا دەيىن جىلىلىق كۇتىلەدى, كەيبىر ايماقتاردا 2°س-قا دەيىن ۇسىك بولۋى ىقتيمال. كۇندىزگى كورسەتكىشتەر 15–25-تەن 20–28 °س-قا دەيىن كوتەرىلەدى.
وڭتۇستىكتە تۇندە 5–15 °س جىلى, كۇندىز 25–30 °س ىستىق كۇتىلەدى. وڭتۇستىك-شىعىستا تۇنگى تەمپەراتۋرا 5–13-تەن 7–15 °س ارالىعىندا بولسا, كۇندىز 15–27-دەن 22–30 °س-قا دەيىن كوتەرىلەدى.
