– ءۇي العىسى كەلگەن ادامعا ەڭ ۇلكەن كومەك – ۋاقىتىندا اشىلعان دەپوزيت. دەپوزيت تولتىرۋدى ەرتەرەك باستاعان سايىن, يپوتەكا راسىمدەگەندە تولەنەتىن ارتىق شىعىن ازايا بەرەدى. مىسالى, ەكى ازاماتتى قاراستىرايىق. ايبەك دەپوزيتىن 36 اي بۇرىن اشىپ قويعان, ال ساكەن نەبارى 7 اي بۇرىن عانا اشقان. ەكەۋى دە 20 ملن تەڭگەلىك ءۇي العىسى كەلەدى. ەكەۋىندە دە 10 ملن تەڭگە جيناق بار, قالعانىن يپوتەكامەن جابامىز دەگەن نيەتتە.
ءبىر قاراعاندا جاعداي بىردەي كورىنەدى. بىراق ايبەك 36 اي بۇرىن دەپوزيت اشىپ قويعاندىقتان, 14 ايدان كەيىن-اق بانككە بارىپ, ءوتىنىش جازىپ, 8,5%-دان 5%-عا وتە الادى. وسىلايشا, ونىڭ العاشقى كەزەڭدەگى ارتىق تولەمى بار بولعانى 1 983 324 تەڭگە بولادى. ال ساكەننىڭ جاعدايى باسقاشا. ول دەپوزيتتى كەش اشقاندىقتان, 14 ايدان كەيىن تومەن پايىزعا وتە المايدى. كەمىندە 29 اي كۇتۋگە ءماجبۇر. سول ۋاقىت ىشىندە ول جوعارى پايىزبەن تولەي بەرەدى. سونىڭ سالدارىنان ونىڭ ارتىق تولەمى 4 108 314 تەڭگەگە جەتەدى.
بۇل قاراپايىم مىسال دەپوزيت مەرزىمىنىڭ قانشالىقتى ماڭىزدى ەكەنىن كورسەتەدى. دەپوزيتتى ەرتەرەك اشىپ قويعان ادامنىڭ ءۇي الار كەزدە بىرنەشە ميلليون تەڭگەگە دەيىن ۇنەمدەۋگە مۇمكىندىگى بار.
سوندىقتان قازىردەن باستاپ دەپوزيت اشىپ قويعان ءجون. اقشا بىردەن ءۇي الۋعا جەتپەسە دە, ۋاقىتى كەلگەندە ۇلكەن كومەگىن تيگىزەدى. بۇل – اركىمنىڭ قولىنان كەلەتىن قادام. جوسپارلى تۇردە جۇزەگە اسىرساڭىز, ەرتەڭگى كۇنى ارتىق شىعىننان قۇتىلىپ, «وتباسى بانكتىڭ» جۇيەسى ارقىلى تومەن پايىزبەن باسپاناعا قول جەتكىزە الاسىز.
