قر قارۋلى كۇشتەرى قۇرلىق اسكەرلەرى ءباسپاسوز قىزمەتىنىڭ حابارلاۋىنشا, اتالعان سارباز اسكەري بولىمگە كەلگەن ساتتەن باستاپ, كومانديرلەرمەن جانە پسيحولوگپەن اڭگىمەلەسۋ بارىسىندا, بىرنەشە رەت اسكەري قىزمەتتى وتكەرگىسى كەلمەيتىنىن بىلدىرگەن.
— 2025 جىلعى 15 قىركۇيەكتە ش. قاتارداعى سارباز «پسيحيكالىق بۇزىلىستار» الدىن الا دياگنوزىمەن اقتاۋ قالاسىنداعى پسيحونەۆرولوگيالىق ديسپانسەرگە گوسپيتاليزاتسيالاندى. بۇل تۋرالى اسكەري قىزمەتشىنىڭ اتا-اناسىنا حابارلاندى. قازىرگى ۋاقىتتا قۇقىق قورعاۋ ورگاندارى قاتارداعى سارباز ش.-عا قاتىستى ىقتيمال زاڭسىز ارەكەتتەر فاكتىسى بويىنشا تەكسەرۋ جۇرگىزىپ جاتىر, — دەلىنگەن حابارلامادا.
قر قارۋلى كۇشتەرى قۇرلىق اسكەرلەرىنىڭ ءباسپاسوز قىزمەتىنىڭ مالىمەتىنشە, ساربازدى تەرەڭدەتىلگەن مەديتسينالىق تەكسەرۋدەن وتكىزۋ ءۇشىن, استانا قالاسىنداعى قورعانىس مينيسترلىگىنىڭ باس اسكەري كلينيكالىق گوسپيتالىنە جىبەرۋ جوسپارلانىپ وتىر.
— ازاماتتار مەن بۇقارالىق اقپارات قۇرالدارى وكىلدەرىن راستالماعان اقپارات پەن نەگىزسىز پىكىرلەر تاراتۋدان باس تارتۋعا شاقىرامىز, — دەلىنگەن حابارلامادا.
