تاراپتار ونەركاسىپ, ەنەرگەتيكا, ساۋدا, كولىك, لوگيستيكا, اۋىل شارۋاشىلىعى جانە ەكى ەل ءۇشىن باسقا دا باسىم باعىتتار بويىنشا ساۋدا-ەكونوميكالىق ىنتىماقتاستىقتى ودان ءارى كەڭەيتۋ ماسەلەلەرىن تالقىلادى.
رومان سكليار قازىردە قازاقستان مەن گەرمانيا اراسىندا «شيكىزات, ونەركاسىپ جانە تەحنولوگيالار» فورمۋلاسى بويىنشا ءتيىمدى كووپەراتسيا جۇرگىزۋگە مۇمكىندىك بەرەتىن نەگىزدەمەلىك شارتتار مەن ينستيتۋتسيونالدىق تەتىكتەردىڭ كەشەندى ارحيتەكتۋراسى قالىپتاسقانىن اتاپ ءوتتى. بۇل ەكى تاراپ ءۇشىن دە «win-win» ناتيجەلەرىنە قول جەتكىزۋگە جول اشادى.
كاتەرينا رايحە قازاقستانمەن ەنەرگەتيكا جانە رەسۋرستار سالاسىنداعى ىنتىماقتاستىق گەرمانيا ەكونوميكاسى ءۇشىن ەڭ قاجەت باعىتتاردىڭ ءبىرى ەكەنىن جەتكىزدى.
كەزدەسۋ سوڭىندا تاراپتار ەكىجاقتى ەكونوميكالىق بايلانىستاردىڭ بارلىق سپەكترى بويىنشا كووپەراتسيانى نىعايتۋعا دايىن ەكەنىن ءبىلدىردى.
سونىمەن قاتار تاراپتار 24 قىركۇيەكتە وتەتىن قازاقستان-گەرمانيا ساۋدا-ەكونوميكالىق ىنتىماقتاستىق جونىندەگى ۇكىمەتارالىق جۇمىس توبى ء(ۇجت) 15-وتىرىسىنىڭ كۇن ءتارتىبىن تالقىلادى.
كەلىسسوزدەر قورىتىندىسى بويىنشا پرەمەر-ءمينيستردىڭ ءبىرىنشى ورىنباسارى رومان سكليار گەرمانيا فەدەراتيۆتىك رەسپۋبليكاسىنىڭ ەكونوميكا جانە ەنەرگەتيكا ءمينيسترى كاتەرينا رايحەنى استاناعا ساپارمەن كەلۋگە شاقىردى.
