باياندامانىڭ مالىمەتىنشە, قازاقستان الەۋمەتتىك قولداۋ, تاڭداۋ ەركىندىگى جانە جەمقورلىقتى قابىلداۋ دەڭگەيى بويىنشا جوعارى كورسەتكىشتەرگە يە. بۇل ەلدە وڭ وزگەرىستەردىڭ ءجۇرىپ جاتقانىن جانە ەكونوميكالىق ءوسىمنىڭ حالىقتىڭ ءومىر ساپاسىن جاقسارتۋمەن قاتار جۇرەتىنىن ايعاقتايدى.
جان-جاقتى تالداۋ ناتيجەسى بويىنشا «World Happiness Report» 2025 جىلى ازياداعى ەڭ باقىتتى ون ەلدى انىقتادى:
-
تايۆان
-
سينگاپۋر
-
قازاقستان
-
ۆەتنام
-
تايلاند
-
جاپونيا
-
فيليپپين
-
وڭتۇستىك كورەيا
-
مالايزيا
-
قىتاي
وڭتۇستىك-شىعىس ازيا ەلدەرى ايماقتاعى «باقىت كورسەتكىشىندە» ايقىن وسىمگە جەتىپ وتىر. سينگاپۋر ەكىنشى ورىنعا سىرعىعانىمەن, جوعارى ءومىر ءسۇرۋ دەڭگەيى مەن ءتيىمدى مەملەكەتتىك باسقارۋىمەن ەرەكشەلەنەدى. ۆەتنام مەن تايلاندتا قاۋىمداستىق سەزىمى مەن مادەني ارالۋاندىق حالىقتىڭ كوڭىل-كۇيىن كوتەرۋگە ىقپال ەتسە, فيليپپين مەن مالايزيا دا العاشقى وندىققا ەنىپ, تۇراقتى الەۋمەتتىك-مادەني قۇندىلىقتارىن كورسەتتى.
ال جاپونيا مەن وڭتۇستىك كورەيا «ەڭ باقىتتى ەلدەر» تىزىمىندە قالعانىمەن, ولاردىڭ پوزيتسياسى تومەندەگەن. ساراپشىلار مۇنى قوعامداعى جەكەلەنۋ ۇردىسىمەن, سونىڭ ىشىندە بىرگە تاماقتانۋ ءداستۇرىنىڭ سيرەۋىنەن جانە ادامدار اراسىنداعى قارىم-قاتىناستىڭ السىرەۋىنەن كورەدى.
