فوتو: اشىق دەرەككوز
سولتۇستىك-شىعىستا نوسەر جاۋىن كۇتىلىپ وتىر. سونىمەن قاتار, ورتالىق پەن سولتۇستىك-شىعىستا بۇرشاق ءتۇسۋ ىقتيمالدىعى بار. تەك باتىس, سولتۇستىك-باتىس جانە وڭتۇستىك وڭىرلەردە سولتۇستىك-باتىس انتيتسيكلونىنىڭ ىقپالىمەن جاۋىن-شاشىنسىز كۇن رايى ورنايدى.
بۇكىل رەسپۋبليكا اۋماعىندا جەلدىڭ كۇشەيۋى بولجانادى. تۇنگى جانە تاڭعى ۋاقىتتا سولتۇستىك, شىعىس, ورتالىق جانە وڭتۇستىك-شىعىس ايماقتاردا تۇمان ءتۇسۋى مۇمكىن.
قوستاناي وبلىسىنىڭ سولتۇستىك جانە شىعىس بولىگىندە تۇندە اۋا تەمپەراتۋراسى -2°س-قا دەيىن تومەندەيدى. الماتىدا كۇندىزگى اۋا رايى +18…+20°س شاماسىندا بولىپ, جەلدىڭ ەكپىنى 3-8 م/س دەڭگەيىندە بولادى.
بۇعان قوسا, جەتىسۋ وڭىرىندە, باتىس قازاقستان وبلىسىنىڭ سولتۇستىگىندە, اقتوبە وبلىسىنىڭ سولتۇستىگىندە, سونداي-اق ماڭعىستاۋ مەن قوستاناي وبلىستارىنىڭ وڭتۇستىگىندە ءورت قاۋپى جوعارى دەڭگەيدە ساقتالاتىنى ەسكەرتىلدى.
