الدىمەن 11–14 قىركۇيەك ارالىعىندا سانكت-پەتەربۋرگتەگى ايگىلى چينيزەللي ارەناسىندا وتكەن «بەز گرانيتس» IV حالىقارالىق تسيرك ونەرى فەستيۆالىنە 20 ەلدەن 170-تەن استام ءارتىس قاتىسقانىن ايتا كەتۋ كەرەك.
ونەر مايتالماندارىنىڭ ولجاسى قانشالىقتى سالماقتى ەكەنىن بىلاي بەزبەندەۋگە بولادى. ماسەلەن, ماجارستاننان كەلگەن ء«تىرى تراپەتسيا» – شەكسىز بيىكتەگى شەبەرلىكتىڭ شىڭى بولسا, قىتاي ەلى اكروباتتارىنىڭ عاجايىپ ەپتىلىگى, تانزانيالىق تورتتىك, يسپانيا جونگلەرلەرى, رەسەيدىڭ ارەنادا ونەر كورسەتەتىن 6 زەبراسى مەن 12 مايمىلى بار «افريكا» اتتراكتسيونى كورەرمەندەرىن تاڭعالدىرماي قويمايدى. الايدا حالىقارالىق فەستيۆالدە الماتىدان كەلگەن «حاسساك» توبىنىڭ جۇرەك جۇتقاندارعا لايىقتى ونەرى ناعىز كەرەمەتكە اينالدى.
قاتەلەسۋدى كەشىرمەيتىن ونەر جولىندا جۇرگەن وتانداستارىمىز بۇل تريۋكتە 180 كگ تارتاتىن ءۇش ادامدى ماڭدايىمەن كوتەرىپ, تەپە-تەڭدىكتى ساقتاي وتىرىپ كوپىرلى باسپالداقپەن ءجۇرىپ وتەدى. كەز كەلگەن تسيرك قايتالاي الماي وتىرعان ەكۆيليبر تريۋكتىڭ ءالى كۇنگە دەيىن دۇنيە جۇزىندە بالاماسى جوق ءارى ول «Almaty Circus Festival» كەزىندە رەسمي رەكورد رەتىندە تىركەلىپ, باس جۇلدەنى جەڭىپ العان ەدى.
– ءبىز ءوز اتىمىزدان عانا ونەر كورسەتكەن جوقپىز. تسيرك ونەرىندەگى قازاقستاننىڭ دا شەبەرلىگى مەن دەڭگەيىن تانىتتىق. كورەرمەندەردىڭ ىقىلاسى مەن قولداۋى جىگەرلەندىردى, – دەيدى «حاسساك» توبىنىڭ جەتەكشىسى ادىلەت تيكانوۆ.
فەستيۆالدە ونەر كورسەتكەن قازاق مەملەكەتتىك تسيركىنىڭ ادىلەت تيكانوۆ جەتەكشىلىك ەتەتىن «حاسساك» توبى قالىڭ كورەرمەن مەن حالىقارالىق قازىلار القاسىن ءتانتى ەتتى.
وعان قوسا قازاق مەملەكەتتىك تسيركىنىڭ ديرەكتورى ماقسات ماراتبەك ۇلى اتالعان فەستيۆالگە حالىقارالىق قازىلار القاسىنىڭ مۇشەسى رەتىندە شاقىرىلىپ, ەلىمىزدىڭ تسيرك ونەرىنىڭ كاسىبي وكىلى رەتىندە مويىندالعانى دا مارتەبە بولدى.
ال قورجىنداعى قولا جۇلدەنىڭ جايى تومەندەگىدەي. سانكت-پەتەربۋرگتەگى فەستيۆالمەن قاتار سول كۇندەرى ماسكەۋدەگى يۋ.نيكۋلين اتىنداعى تسيركتە تاعى ءبىر ماڭىزدى شارا – «ارتيست» III حالىقارالىق تسيرك فەستيۆالى ءوتىپ, وعان الەمنىڭ 18 ەلىنەن ۇزدىك ونەرپازدار قاتىسقان ەدى.
ەلىمىز اتىنان الەمدىك ساحنالاردا اتى تانىمال جەرلەسىمىز تايسيا دەميدوۆا ونەر كورسەتتى. تايسيانىڭ قورجىنىندا مونتە-كارلوداعى حالىقارالىق فەستيۆالدىڭ التىن مەدالى, «يدول» فەستيۆالىنىڭ باس جۇلدەسى سىندى باسقا دا سالماقتى ماراپاتتار بار.
ماسكەۋدە وتكەن فەستيۆالدە تايسيا تاعى دا كاسىبي شەبەرلىگىن كورسەتىپ, قولا جۇلدەگە يە بولدى.
الماتى
