ورتالىق ازيانىڭ جاس سۋرەتشىلەرىنە ارنالعان «بولاشاقتى بەينەلەۋ» اتتى بايقاۋدا سىنعا تۇسكەن سۋرەتشىلەردەن – بولمىس, ترانسفورماتسيا, ايەل قۇدىرەتى, ۇجىمدىق بىرلىك قۋاتى مەن بولاشاققا دەگەن جەكەلەگەن جاۋاپكەرشىلىك تاقىرىپتارىن كەكىندەمە, گرافيكا, تسيفرلىق ونەر, فوتو, توقىما مەن ينستاللياتسيالار ارقىلى جەتكىزۋ تالاپ ەتىلدى.
وسى ورايدا, «BeWoman Asia» فورۋمىنىڭ باس پروديۋسەرى ءاليحان مۇساتاەۆ: «ونەر قاشان دا ادامداردى بىرىكتىرەتىن ورتاق ءتىل بولىپ قالا بەرەدى. جاڭا ەسىمدەرگە جول اشىپ, ولاردىڭ كورىنۋىنە سەپتەسۋ – بۇكىل كوماندا ءۇشىن ۇلكەن مارتەبە. فورۋمنىڭ قامقورشىلىق كەڭەسىن باسقاراتىن مادەنيەت جانە اقپارات ءمينيسترى ايدا بالاەۆاعا وسى يدەياسى ءۇشىن, سونداي-اق كاسىبيلىك تانىتقان جوبانىڭ ساراپشىلار قۇرامى مەن ستيپەنديا بولگەنى ءۇشىن «Easy Art» باستاماسىنا العىس ايتامىز!», دەدى.
بايقاۋعا ەكى اي ىشىندە ورتالىق ازيانىڭ بەس ەلىنەن 445 جۇمىس كەلىپ تۇسسە, اقتىق سىنعا ىلىككەن سۋرەتشىلەردىڭ تۋىندىلارىن تاۋەلسىز ارت-كەڭەسشى ۆلاديسلاۆ سلۋدسكي, ونەرتانۋشى ءارى «Art Society» سپيكەرى ولگا باتۋرينا, تۇرىكمەنستان سۋرەتشىلەر وداعىنىڭ توراعاسى چارىمۋرات يازمۋرادوۆ, «Almaty Gallery» ديرەكتورى نارگيز اليب, دۋبايداعى «Andakulova Gallery»-ءدىڭ يەسى ءارى ونەرتانۋشى ناتاليا انداكۋلوۆا, ونەر تاريحشىسى ەكاتەرينا رەزنيكوۆا, ارت-مەنەدجەر الەكساندرا فيلاتوۆا, كورمە كۋراتورى وليا ۆەسەلوۆا سىندى ايماقتىق جانە شەتەلدىك ساراپشىلاردان قۇرالعان حالىقارالىق قازىلار القاسى سارالادى.
سونىمەن بەس جەڭىمپازعا التى اي بويى 300 000 تەڭگە ستيپەنديا. كورەرمەندەر كوزايىمى جۇلدەسىنە – 1 000 دوللار كولەمىندە سىياقى, گران-پري يەگەرىنە حالىقارالىق ارت-رەزيدەنتسياسىنا قاتىسۋ قۇقىعى بەرىلدى.
ساراپشىلار ستيپەندياعا قازاقستاننان – ايدا ادىلبەك, وزبەكستاننان – ساردور ەركينوۆ, تۇرىكمەنستاننان – تويلى چوپانوۆ, قىرعىزستاننان ايدانا تۋرۋمبەكوۆا لايىقتى دەپ تاپقان. ال ارنايى ستيپەنديانى تۇرىكمەنستاندىق ماحىم اتاكوۆا الدى. باس جۇلدە مەن حالىقارالىق ارت-رەزيدەنتسياعا قاتىسۋ باقىتى وتانداسىمىز ينتيزور وتانيەزوۆاعا بۇيىرىپ وتىر.
ەڭ باستىسى, بايقاۋ جۇمىستارىنىڭ ءبىرى حالىقارالىق ايەلدەر جۋرنالى «Marie Claire»-ءدىڭ مۇقاباسىنا شاعاتىن بولدى.
«مۇقاباعا تاڭدالعان تۋىندى ورتالىق ازيا ايەلدەرىنىڭ تاريحتان باستاۋ العان تەرەڭ داستۇرلەرى مەن كەلەشەككە دەگەن قۇلشىنىستى كوزقاراسىن بەينەلەيدى», دەيدى «Marie Claire Kazakhstan» جۋرنالىنىڭ باس رەداكتورى ناتاليا ستاروستينا.
جۇلدەلى تۋىندىلاردى 20 قىركۇيەكتەن باستاپ نارگيز اليب جەتەكشىلىك ەتەتىن «Almaty Gallery»-دەن تاماشالاۋعا بولادى.
الماتى
