بۇدان بىلاي 15 قىركۇيەك - سەس قىزمەتكەرىنىڭ كۇنى رەتىندە بەلگىلەندى.
بۇگىندە رەسپۋبليكا بويىنشا 12 مىڭنان استام مامان اۋىز سۋ, تاماق ونىمدەرىنىڭ ساپاسى مەن قورشاع ورتانىڭ جاعدايىن باقىلاي وتىرىپ, جۇقپالى جانە جۇۇپالى ەمەس اۋرۋلاردىڭ الدىن الىپ, حالىقتىڭ سانيتاريالىق-ەپيدەميولوگيالىق سالاماتتىلىعىنا قىزمەت ەتۋدە.
قر دەنساۋلىق ساقتاۋ ءمينيسترى اقمارال ءالنازاروۆا ءوزىنىڭ قۇتتىقتاۋ سوزىندە سەس ماماندارىنىڭ حالىقتىڭ دەنساۋلىعىن قورعاۋداعى جانە بيولوگيالىق قاۋىپسىزدىكتى نىعايتۋداعى ورنىن اتاپ ءوتتى.
«بولاشاق ساقتىق مەديتسيناسىنا جاتادى - ەكى عاسىر بۇرىن ايتىلعان بۇل ءسوز تىركەسى ءالى دە وزەكتى. سىزدەرىڭ جۇمىستارىڭىزدىڭ ارقاسىندا ەلدە قاۋىپتى ينفەكتسيالار جويىلدى, ەپيدەميالارعا, سونىڭ ىشىندە COVID-19 پاندەمياسى كەزىندە سەنىمدى توسقاۋىل قويىلدى. سىزدەر تاۋلىك بويى ەلدىڭ سانيتاريالىق-ەپيدەميولوگيالىق ءال-اۋقاتىن قامتاماسىز ەتەسىزدەر. تاڭدالعان ىسكە باتىلدىقپەن قىزمەت ەتكەندەرىڭىز ءۇشىن بارشاڭىزعا العىسىمدى بىلدىرەمىن», - دەدى مينيستر.
سالتاناتتى ءىس-شارادا قىزمەتتىڭ 400-گە جۋىق ۇزدىك قىزمەتكەرلەرى مەن ارداگەرلەرى سانيتاريالىق-ەپيدەميولوگيالىق قىزمەتتى دامىتۋعا قوسقان زور ۇلەسى جانە كوپ جىلعى ادال ەڭبەگى ءۇشىن مەملەكەتتىك جانە ۆەدومستۆولىق ناگرادالارمەن ماراپاتتالدى.
وسىلايشا, قىزمەت قىزمەتكەرلەرىنە پرەمەر-ءمينيستردىڭ اتىنان 80 العىس حاتىنا قوسا, دەنساۋلىق ساقتاۋ ءمينيسترىنىڭ 3 قۇرمەت گراموتاسى تابىس ەتىلدى.
سانيتاريالىق دارىگەرلەر مەن ەپيدەميولوگتار قاجىرلى ەڭبەگى «ەڭبەك ارداگەرى», «دەنساۋلىق ساقتاۋ ءىسىنىڭ ۇزدىگى», «دەنساۋلىق ساقتاۋ ىسىنە قوسقان ۇلەسى ءۇشىن» توسبەلگىلەرىمەن, باس مەملەكەتتىك سانيتاريالىق دارىگەردىڭ اتىنان العىس حاتتارمەن, قۇرمەت گراموتالارىمەن ماراپاتتالدى.
