ەرمەك امانشاەۆتىڭ «شاكارىم» مۋزىكالىق دراماسى – قازاقتىڭ ۇلى ويشىلى, اقىنى جانە كومپوزيتورى شاكارىم قۇدايبەردى ۇلىنىڭ ءومىرى مەن شىعارماشىلىق مۇراسىن ارقاۋ ەتەدى.
مۋزىكالىق درامادا شاكارىمنىڭ اقتاڭداق كەزەڭدەردى باستان وتكەرگەن تاعدىرى, رۋحاني ىزدەنىستەرى, ادىلەت پەن ماحابباتقا دەگەن كوزقاراسى, سونداي-اق ومىرىندەگى درامالىق وقيعالار سۋرەتتەلگەن.
قويىلىم بىرنەشە ساحنالىق كورىنىستەردەن تۇرادى. شاكارىم مەن ونىڭ قورشاعان ورتاسىنداعى كەيىپكەرلەردىڭ بولمىسى كەڭىنەن اشىلادى.
اسىرەسە, اباي قۇنانباي ۇلى مەن شاكارىمنىڭ رۋحاني بايلانىسى, ابايدىڭ اعالىق قامقورلىعى جانە شاكارىمنىڭ ونىڭ ءىزىن جالعاستىرۋ جولىنداعى ازاماتتىق ۇستانىمدارى ەرەكشە مانگە يە.
شاكارىم قۇدايبەردى ۇلىنىڭ بەينەسىن «دارىن» مەملەكەتتىك جاستار سىيلىعىنىڭ لاۋرەاتى ايان وتەپبەرگەن جانە قازىبەك ەسقارا سومدايدى.
«شاكارىم» مۋزىكالىق دراماسى 20,21 قىركۇيەك كۇندەرى ساعات 18:00-دە دە ساحنالانادى.
ايتا كەتەيىك, شىعارمانىڭ ساحنالىق نۇسقاسىن جاساعان جانە قويۋشى-رەجيسسەرى – قازاقستاننىڭ ەڭبەك سىڭىرگەن قايراتكەرى اسحات ماەميروۆ.
