القالى جيىنعا ەلىمىزدىڭ بەلگىلى ونەر قايراتكەرلەرى, تەاتر سالاسىنىڭ مايتالماندارى, ت.جۇرگەنوۆ اتىنداعى قازاق ۇلتتىق ونەر اكادەمياسىنىڭ پروفەسسور-وقىتۋشىلارى مەن جەرگىلىكتى زيالى قاۋىم وكىلدەرى قاتىستى.
وبلىس اكىمىنىڭ ورىنباسارى دياس ەسداۋلەتوۆ قۇتتىقتاۋ سوزىندە تەاتر ونەرىنىڭ قوعامداعى ورنىنا توقتالىپ, جارتى عاسىرلىق بەلەسكە جەتكەن شىعارماشىلىق ۇجىمنىڭ ەڭبەگىن جوعارى باعالادى. ونىڭ ايتۋىنشا, مۇنداي عىلىمي-تانىمدىق باسقوسۋلار وتكەندى سارالاپ, ونەر مەن عىلىمدى ساباقتاستىرۋعا زور مۇمكىندىك بەرەدى.
شارا بارىسىندا قازاق كسر حالىق ءارتىسى, قازاقستاننىڭ ەڭبەك ەرى ءاسانالى ءاشىموۆ باستاعان بىرقاتار ونەر جۇلدىزدارى قۇتتىقتاۋ تىلەكتەرىن جەتكىزدى. ال تەاترتانۋشى, ونەرتانۋ دوكتورى باقىت نۇرپەيىس ءوز بايانداماسىندا تەاتردىڭ شىعارماشىلىق جولىنا عىلىمي تالداۋ جاساپ, رەپەرتۋارلىق بايلىق پەن اكتەرلىك ىزدەنىستەرگە توقتالدى. ايتا كەتسەك, 1975 جىلدان بەرى تەاتر ساحناسىندا 200-دەن استام قويىلىم ساحنالانىپ, بۇگىندە 26 سپەكتاكل تۇراقتى تۇردە كورەرمەنگە ۇسىنىلىپ ءجۇر.
كونفەرەنتسيا قورىتىندىسىندا تەاتر ديرەكتورى ەرلىك جۋاسبەك قاتىسۋشىلارعا العىس ءبىلدىرىپ, الداعى شىعارماشىلىق ىزدەنىستەرگە تابىس تىلەدى.
