جيىن بارىسىندا سيريا مەن اۋعانستانداعى احۋالعا بايلانىستى ماسەلەلەردىڭ
تمۇ-عا مۇشە مەملەكەتتەردىڭ قاۋىپسىزدىگى مەن تۇراقتىلىعىنا اسەرى قاراستىرىلدى. سونىمەن قاتار تاراپتار سوعىس قيمىلدارى ءجۇرىپ جاتقان ايماقتاردان ازاماتتاردى قايتارۋ جانە ولاردى الەۋمەتتىك ورتاعا ۇيرەتۋ ماسەلەلەرىن تالقىلادى.
عيزات نۇرداۋلەتوۆ 2019–2023 جىلدارى «جۋسان» گۋمانيتارلىق وپەراتسياسىن جۇزەگە اسىرۋ تاجىريبەسىن مىسالعا كەلتىردى. ونىڭ ناتيجەسىندە وتانداستارىمىز قاقتىعىس ايماقتارىنان ەلگە قايتارىلعان ەدى.
بۇدان بولەك, ءىس-شاراعا قاتىسۋشىلار تمۇ كەڭىستىگىندەگى كيبەرقاۋىپسىزدىكتى قامتاماسىز ەتۋ جونىندە پىكىر الماستى. قازاقستاننىڭ قاۋىپسىزدىك كەڭەسىنىڭ حاتشىسى ەلىمىزدىڭ اتالعان سالاداعى بىرقاتار باستاماسىن ۇسىندى.
كەزدەسۋ قارساڭىندا دەلەگاتسيالار باسشىلارىن قىرعىز رەسپۋبليكاسىنىڭ پرەزيدەنتى سادىر جاپاروۆ قابىلدادى.
