جوعارى وقۋ ورىندارى, اسىرەسە, مەديتسينالىق مەكەمەلەر مۇنداي وزگەرىستەرگە جەدەل ارەكەت ەتۋى كەرەك. كاسىبي جانە باسەكەگە قابىلەتتى مامانداردى دايارلاۋ – قاراعاندى مەديتسينا ۋنيۆەرسيتەتىنىڭ باسىم مىندەتى. بۇگىنگى تاڭدا ۋنيۆەرسيتەت تسيفرلىق تەحنولوگيالاردى بەلسەندى قولدانادى, ءبىلىم بەرۋ, عىلىمي ۇدەرىستەردىڭ, مەديتسينالىق قىزمەتتەردىڭ اشىق-تىعىن, ىڭعايلىلىعىن قامتاماسىز ەتەدى. «قمۋ» كەاق-دا جاساندى ينتەللەكتىنى قولدانا وتىرىپ ىسكە اسىرىلىپ جاتقان جوبالار, ەڭ الدىمەن, دارىگەرلەردى دايارلاۋ ساپاسىن ارتتىرۋعا باعىتتالعان.
جالپى, دەنساۋلىق ساقتاۋ سالاسىن دامىتۋعا مەملەكەتتىك شارالاردى كۇشەيتۋ قاجەت. قازىر ەلىمىزدە مەديتسينا نىساندارى بىرتىندەپ جاڭعىرتىلىپ كەلەدى. اۋىل-ايماقتاعى فەلدشەرلىك-اكۋشەرلىك پۋنكتتەردەن باستاپ مامانداندىرىلعان اۋرۋحانالارعا دەيىن جاڭا قوندىرعىلارمەن قامتىلىپ جاتىر.
مەديتسينالىق بىلىمگە دە جاڭا كوزقاراس, مىندەتتەر قاجەت. زاماناۋي تەحنولوگياعا ساي جاس ماماندار ۇلكەن داعدىلار مەن قۇزىرەتتەردى, پروگرەسسيۆتى كوزقاراستاردى دامىتۋى كەرەك. ماسەلەن, ءبىزدىڭ ۋنيۆەرسيتەتتە بولاشاق دارىگەرلەردىڭ ساپالى ءبىلىم الۋىنا كوپ مۇمكىندىك بار, جوعارى بىلىكتى پروفەسسورلىق-وقىتۋشىلار قۇرامى, باي كلينيكالىق بازالار, ءبىلىم بەرۋ جانە عىلىمي ورتالىقتار, حالىقارالىق ىنتىماقتاستىق جولعا قويىلدى.
اۋىل-ايماقتاعى دەنساۋلىق ساقتاۋدى جاڭعىرتىپ, كۇشەيتۋ ماقساتىندا ۋنيۆەرسيتەت ماماندار دايارلاۋدى كۇشەيتتى, ونىڭ ىشىندە سكرينينگتىك زەرتتەۋلەردىڭ ەرەكشەلىكتەرىنە, اۋرۋلاردىڭ تۇرلەرىنە, پاتسيەنتتەردى ديناميكالىق تۇرعىدا بايقاۋعا باسا نازار اۋدارىپ وتىرمىز. اۋىلدىق جەرلەرگە جۇمىسقا كەلەتىن جاس دارىگەرلەرگە الەۋمەتتىك قولداۋ كورسەتىلەدى. وسىلايشا, ازاماتتار تۇرعىلىقتى جەرىنە قاراماستان دەنساۋلىق ساقتاۋ جۇيەسىنىڭ زاماناۋي مۇمكىندىكتەرىنە تەڭ قول جەتكىزە الادى. مەملەكەت باسشىسى ءوزىنىڭ جولداۋىندا وسى ۇلتتىق جوبانى تابىستى ىسكە اسىرۋدى مىندەت ەتىپ قويىپ وتىر. وسى ورايدا «پەدياتريا» ماماندىعىن قالپىنا كەلتىرىپ, 14 تاپشى بالالار ماماندىعى بويىنشا رەزيدەنتۋرانى ەنگىزىپ وتىرمىز. سونداي-اق «قمۋ» كەاق كوپبەيىندى ستاتسيونارلارعا ارنالعان مامان دايارلاۋ كەزىندە دارىگەردىڭ كاسىبي قۇزىرەتتىلىگىن جەتىلدىرۋگە دەن قويدىق. بۇعان قوسا جالپى مەديتسينالىق ءبىلىم بەرۋ جۇيەسىندە سيمۋلياتسيالىق ورتالىقتاردى, ءتۇرلى قاشىقتان وقىتۋ پلاتفورمالارى ارقىلى دارىگەرلەردىڭ, مەيىرگەرلەردىڭ ۇزدىكسىز كاسىبي دامۋىن بەلسەندى جۇزەگە اسىرىپ كەلەمىز. قاراعاندى مەديتسينا ۋنيۆەرسيتەتىنىڭ تۇلەكتەرى قازىر ەلىمىزدىڭ دەنساۋلىق ساقتاۋ سالاسىن دامىتۋدا ماڭىزدى جوبالاردىڭ باسى-قاسىندا ءجۇر.
مەملەكەت باسشىسىنىڭ تاعى دا العا قويعان مىندەتتەرىنىڭ ءبىرى – عىلىمي زەرتتەۋلەرگە دە ءمان بەرۋ قاجەت. بۇل رەتتە پرەزيدەنت فارماتسەۆتيكا سالاسىنداعى جۇمىستى جانداندىرۋ قاجەتتىگىن ناقتى تاپسىردى. جالپى, قاراعاندى مەديتسينا ۋنيۆەرسيتەتىندە جاڭا بەلسەندى زاتتاردى ىزدەۋ, دارىلىك پرەپاراتتاردىڭ تيىمدىلىگىن باعالاۋ بويىنشا عىلىمي زەرتتەۋلەر جۇرگىزۋگە قاجەتتى رەسۋرستار بار. ۋنيۆەرسيتەت عالىمدارى دا جاڭا يننوۆاتسيالىق دۇنيەلەردى زەرتتەپ, زەردەلەۋگە بەيىم. «قاراعاندى مەديتسينا ۋنيۆەرسيتەتى» كەاق مەملەكەت باسشىسىنىڭ جولداۋىندا ايتىلعان باستامالارىن قولداپ, ولاردى ساپالى ىسكە اسىرۋعا ءازىر.
باقىت كوشەروۆا,
قاراعاندى مەديتسينا ۋنيۆەرسيتەتىنىڭ باسقارما توراعاسى – رەكتور
