قازاقستاننىڭ باس كولىك پروكۋراتۋراسىنىڭ مالىمەتىنشە, الماتى اۆياتسيالىق كولىك پروكۋرورى اقتاۋ قالاسىنىڭ پروكۋرورىنا قاتىستى ۇساق بۇزاقىلىق دەرەگى بويىنشا ءىستى توقتاتۋ تۋرالى اقتاۋدىڭ مامانداندىرىلعان سوتىنىڭ شەشىمىنە اپەللياتسيالىق شاعىم تۇسىرگەن.
«سوت اكتىسىنىڭ زاڭدىلىعى مەن اپەللياتسيالىق ۋاجدەر ماڭعىستاۋ وبلىستىق سوتىندا زاڭدا بەلگىلەنگەن تارتىپپەن قارالادى. قۇقىق قورعاۋ قىزمەتى تۋرالى زاڭنىڭ 38-بابى 1-بولىگىنىڭ 2-تارماعىنا سايكەس, ابديروۆ ەربولاتتىڭ جاۋاپكەرشىلىگىنە قاتىستى تۇپكىلىكتى شەشىم شىققانعا دەيىن ول اتقارىپ وتىرعان قىزمەتىنەن ۋاقىتشا شەتتەتىلدى», — دەلىنگەن پروكۋراتۋرانىڭ حابارلاماسىندا.
