پاۆلودار. 18 اقپان. پاۆلودارداعى ەستاي كوشەسى, 101/2 جانە گەرينگ كوشەسى, 76/2 كوپقاباتتى ەكى تۇرعىن ءۇي پايدالانۋعا بەرىلدى. بۇل تۋرالى egemen.kz حابارلادى.
جاڭا پاتەرلەردىڭ كىلتى «تۇرعىن ءۇي قۇرىلىس جيناق» بانكى ارقىلى جاس وتباسىلارعا ارنالعان پاتەر الۋ جۇيەسى ءتارتىبى بويىنشا بەرىلدى.
جالپى, 144 وتباسى جاڭا پاتەرگە يە بولدى. جاستاردى قونىس تويىمەن قۇتتىقتاعان وبلىس اكىمى قانات بوزىمباەۆ بيىل ديميتروۆ, تولستوي, گاگارين–ۆورۋشين كوشەلەرى بويىنداعى جانە اليۋمينيستروي شاعىن اۋدانىنداعى جاڭا تۇرعىن ۇيلەر قۇرىلىسىن اياقتاۋ جوسپارلانىپ وتىرعانىن جەتكىزدى. سونىمەن بىرگە, وبلىس ورتالىعىندا الداعى جىلدارى «سارىارقا» جانە «دوستىق» شاعىن اۋداندارى بوي كوتەرمەكشى.
فاريدا بىقاي.
دەرەك: egemen.kz.
سۋرەت: ۆالەري بۋگاەۆ.
