ينفوگرافيكانى جاساعان – امانگەلدى قياس, «ەQ»
پرەزيدەنت اتاپ وتكەندەي, جاپپاي تسيفرلاندىرۋ مەن جاساندى ينتەللەكت تەحنولوگياسىن ەنگىزۋ – ۋاقىت تالابى. قازىرگى زاماندا يننوۆاتسيانى يگەرگەن مەملەكەت قانا جاھاندىق باسەكەدە ءوز ورنىن ساقتاپ قالا الادى. وسى تۇرعىدان العاندا, «Alatau City» سياقتى ءىرى جوبانىڭ ىسكە اسىرىلۋى – تەك ەكونوميكالىق ەمەس, سونداي-اق عىلىمي-يننوۆاتسيالىق سەرپىلىستىڭ دە ايقىن بەلگىسى.
سونىمەن قاتار ينۆەستيتسيالىق ساياساتتى ارتتىرۋ, اگروونەركاسىپتىڭ الەۋەتىن تولىق پايدالانۋ, كولىك-لوگيستيكا جۇيەسىن جەتىلدىرۋ, سۋ ينفراقۇرىلىمىن جاڭعىرتۋ – ەل ەكونوميكاسىن ارتاراپتاندىرۋعا باعىتتالعان ناقتى قادامدار. ال ەلىمىزدىڭ حالىقارالىق ىنتىماقتاستىقتى دامىتۋ – قازاقستاندى الەمدىك وركەنيەتتىڭ الدىڭعى قاتارىنا شىعارۋعا, باسقا ەلدەرمەن بەيبىتشىلىك پەن كەلىسىمدى نىعايتۋعا جول اشادى.
جولداۋدا ەرەكشە ورىن العان تاعى ءبىر ماڭىزدى ماسەلە – پارلامەنتتىك رەفورما. ەگەمەندىك العان العاشقى جىلداردان باستاپ ەلىمىزدىڭ ساياسي جۇيەسى زامان اعىمىنا ساي جەتىلدىرىلىپ كەلەدى. ۋاقىت وتە كەلە قوعامنىڭ سۇرانىسىنا, ازاماتتاردىڭ تالاپ-تىلەگىنە سايكەس بىرقاتار ساياسي رەفورما كەزەڭ-كەزەڭىمەن جۇزەگە اسىرىلدى. بۇل وزگەرىستەردىڭ تۇپكى ماقساتى – حالىقتىڭ بيلىككە دەگەن سەنىمىن نىعايتۋ, مەملەكەت پەن قوعام اراسىنداعى بايلانىستى ودان ءارى كۇشەيتۋ. سوندىقتان بۇل شەشىم – ەل بولاشاعى ءۇشىن جاسالعان باتىل قادام, مەملەكەت پەن ازاماتتىق قوعامدى جاقىنداتاتىن سەنىمدى كوپىر.
مەملەكەت باسشىسى وسىنداي تاعدىرشەشتى ماسەلەلەر بويىنشا جالپىۇلتتىق رەفەرەندۋم وتكىزۋ قاجەتتىگىن ايتىپ ساياسي رەفورمالارىمىز بىرىڭعاي ينستيتۋتسيونالدىق جۇيەنىڭ اجىراماس بولىگىنە اينالاتىنىن تاعى دا كورسەتتى. ازىرگە سەنات جالپىۇلتتىق رەفەرەندۋمنىڭ قورىتىندىسى شىعارىلعانعا دەيىن, جاڭا پارلامەنتتىك سايلاۋ وتكىزىلگەنشە ءوز جۇمىسىن ادەتتەگىدەي جالعاستىرادى. ءبىزدىڭ نەگىزگى مىندەتىمىز – مەملەكەت باسشىسى بەلگىلەگەن بارلىق باستاماعا جان-جاقتى قولداۋ كورسەتۋ. وسى تۇرعىدا ءتيىستى زاڭدار ۋاقتىلى ازىرلەنىپ, قابىلدانۋى كەرەك. بولاشاقتا ءبىز مۇددەلى مەملەكەتتىك ورگاندارمەن بىرلەسىپ وسى باعىتتاردا جۇمىس ىستەيمىز.
امانگەلدى نۇعمانوۆ,
سەنات دەپۋتاتى
