كەرەك دەرەك: مەديتسينالىق ۇيىمدارعا تىركەۋ ناۋقانى

قىزمەت ەمحاناعا تىركەلىپ, ۋچاسكەلىك دارىگەردى تاڭداۋعا مۇمكىندىك بەرەدى. تاڭدالعان دارىگەرگە سايكەس مەديتسينا­لىق قىزمەت كورسەتۋ اۋماعى جۇيە­دە اۆتوماتتى تۇردە كورسەتى­لە­دى. ناۋقان قورىتىندى­لا­رى كەلەسى كۇنتىزبەلىك جىل­دىڭ 1 قاڭتارىنان باستاپ كۇشىنە ەنەدى. الدىڭعى ۇيىمنان تىر­كەۋدەن شىعارۋ جاڭا ءوتىنىم راس­تالعاننان كەيىن اۆتوماتتى تۇردە جۇزەگە اسىرىلادى.

ناۋقاننان تىس ۋاقىتتا دا ەمحانانى اۋىستىرۋعا بولادى. بۇل باسقا ەلدى مەكەنگە قونىس اۋدارعاندا, جۇمىس نەمەسە وقۋ ورنىن اۋىستىرعاندا, سونداي-اق ەمحانا قايتا ۇيىمداستى­رىل­عان نەمەسە جابىلعان جاع­دايدا بولۋى مۇم­كىن. مۇنداي جاعدايدا قىزمەتتى جىلىنا ءبىر رەت قولدانادى.

بۇل قىزمەتتىڭ جوعارى سۇ­رانىسقا يە ەكەنىن ستاتيستيكا دا دالەلدەيدى. وتكەن جىلى تىركەلۋ قىزمەتىن ازاماتتار 3,6 ملن-نان استام رەت پايدالانسا, ولاردىڭ 2 905 013-ءى «eGov.kz» پورتالىندا, 722 198-ءى «eGov Mobile» قوسىم­شاسىندا راسىمدەلدى. بيىل (شىلدە ايىنا دەيىن) پورتال­ ارقىلى 1 135 628, ال ءمو­بيل­دى قوسىمشا ارقىلى 1 046 354 ءوتىنىم قابىلداندى.

اتالعان قىزمەت ارقىلى كامەلەتكە تولماعان بالالاردى جانە 18 جاستان اسقان ارەكەتكە قابىلەتسىز دەپ تانىلعان ازاماتتاردى ولاردىڭ قامقورشىلارى ونلاين تۇردە ەمحاناعا تىركەي الادى.

جاڭارتۋ تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگىنىڭ مەم­لەكەتتىك قىزمەتتەر كورسەتىلەتىن كوميتەتى, «ۇلتتىق اقپاراتتىق تەحنولوگيالار» اق جانە دەن­ساۋلىق ساقتاۋ مينيسترلىگى ءوزارا ىنتىماقتاستىعىنىڭ اياسىندا جۇزەگە اسىرىلدى.

بەكزات مىڭايدار