العاشقىلاردىڭ ءبىرى بولىپ كومەككە قر ءىىم مامانداندىرىلعان كۇزەت قىزمەتى باسقارماسىنىڭ قىزمەتكەرلەرى – پوليتسيا ستارشيناسى اسلان كاكەنوۆ, پوليتسيا اعا سەرجانتى ەرزات بايمۋلاەۆ, پوليتسيا اعا سەرجانتى ايگەرىم مۇحتاربەكوۆا جانە پوليتسيا كىشى سەرجانتى تۇرسىنبەك ايتقازى جەتتى.
ەرزات بايمۋلاەۆ ءوز ومىرىنە قاۋىپ تونسە دە, ارنايى قىزمەتتەردىڭ كەلۋىن كۇتپەستەن ارەكەتكە كوشتى. ول ءوزىن ارقانمەن بايلاپ, گازتۇمىلدىرىق كيىپ قۇدىققا ءتۇستى. جوعارىدا ارىپتەستەرى كاكەنوۆ پەن ايتقازى ونى ساقتاندىرىپ تۇردى. ناتيجەسىندە ولار ەستەن تانعان ەكى جۇمىسشىنى جەر بەتىنە كوتەرىپ شىعاردى.
– ىشتە ەلەكتريك قۇلاپ جاتقانىن كوردىم. تاعى ەكى ادام بار ەكەنىن بىلگەن سوڭ, جانىمداعى سەرىكتەسىم گازتۇمىلدىرىق اكەلۋىمدى سۇرادى. مەن دەرەۋ ىشكە كىرىپ, گازتۇمىلدىرىق الىپ شىقتىم. سول ۋاقىتتا جەدەل جاردەم كەلدى. سەرىكتەسىم قىزمەتكەرلەردى شىعارۋ كەرەكتىگىن ايتتى. سەبەبى ولاردى جوعالتىپ الۋىمىز مۇمكىن ەدى. مەن ەش ويلانباستان ىشكە ءتۇستىم, – دەيدى وبلىستىق پوليتسيا دەپارتامەنتىنىڭ اعا سەرجانتى ەرزات بايمۋلاەۆ.
