فوتو: اشىق دەرەككوز
بۇل قادام مەملەكەت باسشىسى قاسىم-جومارت توقاەۆتىڭ «جاساندى ينتەللەكت داۋىرىندەگى قازاقستان: وزەكتى ماسەلەلەر جانە ونى تۇبەگەيلى تسيفرلىق وزگەرىستەر ارقىلى شەشۋ» اتتى جولداۋىندا ايتىلعان تاپسىرمالاردى ىسكە اسىرۋ شەڭبەرىندە قولعا الىنىپ وتىر.
تسيفرلىق دامۋ, يننوۆاتسيالار جانە اەروعارىش ونەركاسىبى ۆيتسە-ءمينيسترى دميتري مۋن ەنەرگەتيكا سالاسىندا تسيفرلاندىرۋدىڭ قارقىندى دامۋىنا بايلانىستى كيبەرقاۋىپتەردىڭ دە ارتىپ كەلە جاتقانىن اتاپ ءوتتى.
ۆيتسە-ءمينيستردىڭ ايتۋىنشا, تسيفرلىق باسقارۋ جۇيەلەرىن ەنگىزۋ جىلۋ-ەلەكتر ستانتسيالارىنىڭ تيىمدىلىگىن جوعارىلاتقانىمەن, ولاردىڭ سىرتقى ىقپالدارعا وسالدىعىن كۇشەيتەدى.
«ەنەرگەتيكا سالاسىنىڭ وزىندىك ەرەكشەلىكتەرى بار, سوندىقتان بۇل باعىتتا تەك وسى جۇيەلەردىڭ قۇرىلىمىن, قولدانىلاتىن جابدىقتاردى جانە ىقتيمال ۇزىلىستەردى جاقسى بىلەتىن ماماندار جۇمىس ىستەۋى ءتيىس. ءدال وسىنداي بىلىكتى ماماندار عانا ماڭىزدى نىساندارعا ارنالعان جاڭا تالاپتاردى ازىرلەي الادى», دەدى دميتري مۋن.
