ەرتىس-بايان وڭىرىندە سۋعا ءتۇسۋ ماۋسىمى رەسمي تۇردە جابىلدى. قۇتقارۋشىلار بيىلعى ماۋسىمدى قورىتىندىلادى.
-سۋ ايدىندارىندا جازعى كەزەڭدە 14 ادام سۋعا كەتىپ اجال قۇشتى. ونىڭ ەكەۋى – بالا. ادامداردىڭ جازاتايىم وقيعاعا ۇشىراۋىنا ولاردىڭ كوبىنە ماس كۇيىندە سۋعا ءتۇسۋى نەمەسە رۇقسات ەتىلمەگەن جەردە شومىلۋى سەبەپ بولادى. سونداي-اق كەيبىر جاندار ءوز كۇشتەرىن ەسەپتەمەي, تەرەڭ جەرگە ءجۇزىپ بارادى. موتورلى قايىقتار مەن كاتەرلەردى دۇرىس پايدالانباۋ دا قايعىلى جايتتارعا سوقتىرىپ جاتادى, - دەيدى وڭىرلىك توتەنشە جاعدايلار دەپارتامەنتى ازاماتتىق قورعانىس باسقارماسىنىڭ باستىعى قىدىرجان ناسكەنوۆ.
قۇتقارۋشىلار ماۋسىم بارىسىندا سۋعا باتىپ بارا جاتقان 14 ەرەسەك پەن 6 بالانى قۇتقارىپ قالعان.
جالپى بيىلعى ماۋسىمدا دەپارتامەنت وكىلدەرى سۋعا ءتۇسۋ ەرەجەلەرىن بۇزۋدىڭ 273 دەرەگىن تىركەگەن. ولاردىڭ دەنى شومىلۋعا تىيىم سالىنعان جەرلەردە بولعان. تەكسەرۋلەر ناتيجەسىندە 58 اكىمشىلىك ايىپپۇل سالىنىپ, 215 ەسكەرتۋ بەرىلگەن.
پاۆلودار وبلىسى
