بيىلعى دوداعا تۇركى مەملەكەتتەرى ۇيىمىنا مۇشە قازاقستان, ازەربايجان, قىرعىزستان, تۇركيا جانە وزبەكستان ستۋدەنت-سپورتشىلارى قاتىستى. ۋنيۆەرسيادا باعدارلاماسىنا ۆولەيبول, فۋتزال, ۇستەل تەننيسى, شاحمات, دزيۋدو, ەركىن كۇرەس جانە گرەك-ريم كۇرەسى سەكىلدى 7 سپورت ءتۇرى ەندى.
بارلىعى 5 ەلدەن 450 دەلەگات قاتىسقان جارىستا قازاقستان قۇراماسىن 15 جوعارى وقۋ ورنىنان جينالعان 66 سپورتشى تانىستىردى. ولار بارلىق سپورت تۇرىنەن سىنعا ءتۇستى.
قورىتىندىسى بويىنشا قازاقستاندىق ستۋدەنتتەر 8 التىن, 4 كۇمىس جانە 11 قولا مەدال يەلەنىپ, جالپى سانى 23 جۇلدە قورجىنعا سالدى.
كەلەسى IV تۇركى ۋنيۆەرسياداسى 2027 جىلى تۇركيا رەسپۋبليكاسىندا وتەدى.
