امبۋلاتوريا ىشىندە بالالار ءبولىمى, ءتورت ورىندىق كۇندىزگى ستاتسيونار, جەكە وقشاۋلاۋ كابينەتى, زەرتحانا, ستەريليزاتسيالىق جانە جۋ بولمەلەرى بار.
- ءبىر قاباتتى امبۋلاتوريا زاماناۋي تالاپتارعا سايكەس جوبالانىپ, قاجەتتى ينجەنەرلىك جانە مەديتسينالىق ينفراقۇرىلىممەن قامتاماسىز ەتىلگەن. جاڭا مەديتسينالىق نىسان اۋىل تۇرعىندارىنا العاشقى مەديتسينالىق-سانيتاريالىق كومەكتى قولجەتىمدى ءارى ساپالى تۇردە كورسەتۋگە مۇمكىندىك بەرەدى, - دەدى قۇرىلىس, ساۋلەت جانە قالا قۇرىلىسى باسقارماسىنىڭ باسشىسى نۇربەرگەن قۇسايىنوۆ.
قازىر وڭىردە ەكى ەمحانا, قوس دارىگەرلىك امبۋلاتوريا, جەدەل جاردەم ستانتسياسى, راديولوگيالىق كورپۋس جانە مۇگەدەكتەرگە ارنالعان وڭالتۋ ورتالىعىنىڭ قۇرىلىسى جۇرگىزىلۋدە. سونىمەن بىرگە «اۋىلدىق دەنساۋلىق ساقتاۋدى جاڭعىرتۋ» پيلوتتىق ۇلتتىق جوباسى اياسىندا 15 نىساننىڭ قۇرىلىسى باستالىپ, ونىڭ 10-ى پايدالانۋعا بەرىلدى, ال قالعان 5 نىساننىڭ قۇرىلىسى اۋىسپالى تۇردە جالعاسۋدا.
