دەنساۋلىق ساقتاۋ مينيسترلىگى جاڭا وقۋ جىلىنىڭ باستالۋىمەن مەكتەپ سومكەسىن دۇرىس تاڭداۋدىڭ ماڭىزدىلىعىن ەسكە سالدى. دارىگەرلەردىڭ ايتۋىنشا, تىم اۋىر نەمەسە قولايسىز سومكە وقۋشىنىڭ ومىرتقاسىنا جانە جالپى دەنساۋلىعىنا كەرى اسەر ەتۋى مۇمكىن.
سومكە سالماعىنىڭ نورمالارى
-
1–3-سىنىپتار — 2 كيلوگرامعا دەيىن;
-
4–5-سىنىپتار — 2,5 كيلوگرامعا دەيىن;
-
6–7-سىنىپتار — 3,5 كيلوگرامعا دەيىن;
-
8–11-سىنىپتار — 4,5 كيلوگرامعا دەيىن.
مينيسترلىك وكىلدەرى جالپى سالماق بالانىڭ دەنە ماسساسىنىڭ 10 پايىزىنان اسپاۋى ءتيىس ەكەنىن اتاپ ءوتتى.
سومكە تاڭداعاندا نازار اۋداراتىن جايتتار
-
كەڭ, جۇمساق قاپتاماسى بار يىقباۋلار;
-
ورتوپەديالىق ارقالىق;
-
جەڭىل ءارى سۋ وتكىزبەيتىن ماتەريال;
-
جارىق شاعىلىستىرعىش بەلگىلەر مەن پارتاعا ىلۋگە ىڭعايلى ىلگەكتىڭ بولۋى.
اتا-انالار بالالارىنىڭ دەنساۋلىعىن ساقتاۋ ءۇشىن مەكتەپ سومكەسىن ۇنەمى قاداعالاپ وتىرعانى ءجون. ەڭ الدىمەن, ريۋكزاكتى ۇنەمى تەكسەرىپ, ارتىق زاتتاردى الىپ تاستاۋ قاجەت. سونىمەن قاتار, بالاعا سومكەنى مىندەتتى تۇردە ەكى يىققا تاعىپ جۇرۋگە ۇيرەتكەن دۇرىس. ال مۇمكىن بولعان جاعدايدا كەيبىر اۋىر كىتاپتاردى مەكتەپتە قالدىرىپ كەتۋگە مۇعالىممەن كەلىسكەن ءجون.
