فوتو: اشىق دەرەككوز
تەرگەۋ دەرەكتەرىنە قاراعاندا, 2019–2022 جىلدارى كۇدىكتى سىبايلاستارىمەن بىرگە وڭىردەگى ءىرى ازىق-ت ۇلىك بازارلارىنىڭ بىرىندە ساۋدا ورىندارىن ساتامىن دەگەن جەلەۋمەن ازاماتتاردى الداپ, 11 كاسىپكەردەن جالپى 126 ميلليون تەڭگە الىپ كەتكەن.
«قىلمىستاردى جاساعاننان كەيىن كۇدىكتى قۇقىق قورعاۋ ورگاندارىنان جاسىرىنىپ, حالىقارالىق ىزدەۋگە جاريالانعان. قازاقستان مەن قىرعىزستاننىڭ قۇزىرەتتى ورگاندارىنىڭ ءوزارا ءتيىمدى ءىس-قيمىلىنىڭ ناتيجەسىندە بيىلعى تامىز ايىندا ول بىشكەك قالاسىندا ۇستالدى. قازاقستان رەسپۋبليكاسى باس پروكۋراتۋراسىنىڭ رەسمي سۇراۋى نەگىزىندە ول قىلمىستىق جاۋاپتىلىققا تارتۋ ءۇشىن بەلگىلەنگەن تارتىپپەن ەلىنە ەكستراديتسيالاندى», دەلىنگەن حابارلامادا.
قازىر ول تەرگەۋ يزولياتورىندا وتىر. زاڭعا سايكەس, ونىڭ مۇلكى تاركىلەنىپ, 5 جىلدان 10 جىلعا دەيىن باس بوستاندىعىنان ايىرىلۋى مۇمكىن.
باس پروكۋراتۋرانىڭ مالىمەتىنشە, ازاماتتاردىڭ قۇقىقتارىن قورعاۋ ماقساتىندا سوتتان جانە تەرگەۋدەن بوي تاسالاعانداردى ىزدەۋ مەن ەكستراديتسيالاۋ شارالارى جۇيەلى تۇردە جۇرگىزىلىپ جاتىر.
