اقتوبە. 23 ماۋسىم. اقتوبەدە ۇلى جەڭىستىڭ 70 جىلدىعىنا جانە كەڭەس وداعىنىڭ باتىرى ءاليا مولداعۇلوۆانىڭ 90 جىلدىعىنا ارنالعان XVIII وبلىستىق جاستار مەن ستۋدەنتتەردىڭ «جاس داۋرەن-2015» فەستيۆالى جەڭىمپازدارىن ماراپاتتاۋ سالتاناتى ءوتتى. شارا قالاداعى قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازارباەۆ اتىنداعى ورتالىق مادەنيەت جانە دەمالىس ساياباعىندا ۇيىمداستىرىلدى. بۇل تۋرالى egemen.kz ءتىلشىسى حابارلادى.
نۇرسۇلتان نازارباەۆ اتىنداعى ورتالىق مادەنيەت جانە دەمالىس ساياباعىندا فەستيۆال 18 جىل بويى وبلىس بويىنشا جاس ەرەكشەلىكتەرى 16-29 ارالىعىنداعى تالانتتى ونەرپازداردىڭ باسىن قوسىپ كەلەدى. بيىل شىعارماشىل جاستار ەسترادا-ۆوكال, اسپاپتىق ونەر, (ۇرمەلى, حالىقتىق ت.ب.), رەپ, بيتبوكس, كوشە بيلەرى, ءسان تەاترى نوميناتسيالارى بويىنشا سىنعا ءتۇستى.
فەستيۆالدا ەسترادا-ۆوكال نوميناتسياسى بويىنشا باس جۇلدە گۋمانيتارلىق كوللەدج ستۋدەنتى سەرىكبولسىن راشيدكە بۇيىرسا, كوشە بيلەرى نوميناتسياسى بويىنشا باس جۇلدەنى حرومتاۋلىق بيسەن بايبوسىنوۆ يەلەندى. «ءسان تەاترى» جانە اسپاپتىق ونەر نوميناتسيالارى بويىنشا ا.جۇبانوۆا اتىنداعى مۋزىكا كوللەدجىنىڭ «شابىت» دومبىراشىلار ءانسامبلى جانە اقتوبە قالاسىنداعى «برەند ماليكا دۋيسەنباەۆا» جەكە كاسىپكەرلىگى ءبىرىنشى دارەجەلى لاۋرەات اتاندى.
سونداي-اق, رەپ جانە بيتبوكس جانرىنداعى ورىنداۋشى جاستار دا ارنايى جۇلدەلەرگە يە بولدى. فەستيۆال بارىسىندا اقتوبە وبلىسىنىڭ اكىمى ارحيمەد مۇحامبەتوۆتىڭ اتىنان حالىقارالىق جانە رەسپۋبليكالىق بايقاۋلار مەن فەستيۆالدەردىڭ جەڭىمپازدارىنا, وبلىس مادەنيەتى مەن ونەرىنىڭ دامۋىنا, قازاقستاندىق ءپاتريوتيزمدى ناسيحاتتاۋعا ەلەۋلى ۇلەس قوسقان بەلسەندى جاس ماماندارعا, ۇزدىك جاستاردىڭ وكىلدەرىنە العىس حاتتار مەن باعالى سىيلىقتار تابىس ەتىلدى. ولاردىڭ اراسىندا ويىل اۋداندىق مادەنيەت ءۇيىنىڭ قىزمەتكەرى ەرمۇحانبەت ماحمەتوۆ, ت.احتانوۆ اتىنداعى وبلىستىق دراما تەاترىنىڭ اكتەرى اسەت سيسەنوۆ, شالقار اۋداندىق مادەنيەت ءۇيى جانىنداعى «سالتانات» بيشىلەر توبىنىڭ جەتەكشىسى سالتانات الىبەكوۆا جانە باسقالارى بار.
سالتاناتتى ماراپاتتاۋ راسىمىنە وبلىستىق مادەنيەت, مۇراعاتتار جانە قۇجاتتاما باسقارماسى باسشىسىنىڭ ورىنباسارى قىدىرعالي ەرمۇقان قاتىستى. شارا سوڭى گلا-كونتسەرتكە ۇلاستى.
ساتىبالدى ءساۋىرباي.
دەرەك, سۋرەت: egemen.kz.
